Video
Read full review
2007-12-13
12 views
寫完3 個半鐘英文字, 隻手累個腦更累, 咁0岩朋友SMS 問我食唔食晚飯, 就同佢摸了0黎呢間想試好耐0既拉麵店試試.叫了個味噌拉麵, 加牛油粟米... 份量原來好多, 兩片牛油落得好重手! 先試啖湯, 都幾濃味, 落了牛油當然香了好多, 不過由於天氣唔夠凍, 食食0下真係好滯. 拉麵都ok, 無鹼水味又唔會腍bad bad, 不過唔夠彈牙; 叉燒肥瘦適中, 少少0鞋, 唔係好夠入味, 麻麻0地好食; 反而隻溏心蛋就係驚喜, 又香又軟熟, 甜甜0地咁, 好得! 推介大家叫邊隻拉麵都好, 一定要加$ 另外要多隻蛋!朋友的醬油拉麵加叉燒又加蛋, 賣相好靚又豐富, 佢亦一路食一路嗌"好味!", 相信都唔錯.另外叫了兩碟小食share... (煎)蝦肉帶子餃子一碟5 隻, 其中一隻serve 時層皮穿了個細窿, 印象打了折扣, 食落亦唔夠熱, 溫溫吞吞咁, 感覺好差. 餡料爽口, 食得出有蝦0既味道, 不過唔覺有帶子. 整體唔難食, 但唔係特別好食, 味道其實亦同普通日式豬肉餡餃子差不多, 而且個人覺得大阪王將的更出色! 旁邊的餃子汁原來係辣的, 似辣椒油多d, 唔係咁對口味.淺
叫了個味噌拉麵, 加牛油粟米... 份量原來好多, 兩片牛油落得好重手! 先試啖湯, 都幾濃味, 落了牛油當然香了好多, 不過由於天氣唔夠凍, 食食0下真係好滯. 拉麵都ok, 無鹼水味又唔會腍bad bad, 不過唔夠彈牙; 叉燒肥瘦適中, 少少0鞋, 唔係好夠入味, 麻麻0地好食; 反而隻溏心蛋就係驚喜, 又香又軟熟, 甜甜0地咁, 好得! 推介大家叫邊隻拉麵都好, 一定要加$ 另外要多隻蛋!
朋友的醬油拉麵加叉燒又加蛋, 賣相好靚又豐富, 佢亦一路食一路嗌"好味!", 相信都唔錯.
另外叫了兩碟小食share... (煎)蝦肉帶子餃子一碟5 隻, 其中一隻serve 時層皮穿了個細窿, 印象打了折扣, 食落亦唔夠熱, 溫溫吞吞咁, 感覺好差. 餡料爽口, 食得出有蝦0既味道, 不過唔覺有帶子. 整體唔難食, 但唔係特別好食, 味道其實亦同普通日式豬肉餡餃子差不多, 而且個人覺得大阪王將的更出色! 旁邊的餃子汁原來係辣的, 似辣椒油多d, 唔係咁對口味.
淺橙色的魚餅打得彈牙, 咬落彈口, 味道有少少蔬果0既甜味(??), 都幾好食, 不過太油膩, 蘸了薑茸醋汁(?)都無補於事.
小店環境唔錯, 乾淨企理, 俾人好日本又好住家0既感覺; 招呼方面, 雖然店員們有少少雞手鴨腳, 但好有禮貌, 係ok 的.
埋單約$120 一個頭, 整體質素中上0黎講唔貴, 都食得過... 再0黎的話, 相信會係為0左隻蛋!
Post
