Karui Bento

Open Now

Now Closed

「Karui Bento」主力喺做精緻輕食便當外賣生意，晌中環都有分店，放飯時間都有幾多想食得健康啲嘅人嚟幫襯。不過，上環呢一家分店就有做埋早市，簡簡單單只賣3款捲餅，期望都趁早市增加多少少收入。3款捲餅口味包括雞肉、牛肉、芝士，每一款賣$30，包裝簡約，賣返去公司，沖番杯咖啡襯吓，喺幾唔錯嘅配搭。牛肉捲餅 $30拎到返公司，都仲喺熱熱哋，餅皮喺印度煎餅嘅一類，咬落軟軟綿綿，有點酥香，裡面有一大片煎蛋，塞滿厚身嘅牛肉條同青瓜條，所以，食落味道唔單一，牛肉條好軟腍，富肉香，青瓜就令到口感添多一份清爽。雞肉捲餅 $30跟牛肉捲餅差唔多，都喺有大片煎蛋，塞滿青瓜條，只喺牛肉換上雞肉。而啲雞肉食落就好明顯喺加入咗印度香料嘅做法，極似天多尼烤雞嘅味道，少少辣，惹味，而且，口感又幾嫩滑，富肉汁，唔會乾崢崢。都唔好睇佢好似唔大件，其實都幾飽肚吓。平常較多晌屋企食埋早餐先出門口，但偶爾試吓其他嘢都好唔錯。