鳥華亭

Open Now

Now Closed

朋友睇咗某個頻道嘅介紹話要去呢間拉麵試一試，我哋6:45pm到已經好多人排隊，足足排咗一粒鐘先至可以入去。最難受嘅係，呢間舖頭係垃圾房隔離，咁啱嗰個時間有垃圾車嚟倒垃圾，所以非常之難頂，同埋非常之倒胃口。至極雞肉拉麵其實係冇乜特別，雞肉只得嗰幾塊，麵嘅份量都算多，但係唔代表好食。至極拉麵裏面有一粒價值$12嘅雞蛋，但係好可惜呢粒雞蛋非常之鹹。從來冇食過日本拉麵嘅雞蛋係咁難食嘅，其實我哋都唔知呢間係咪一間正宗嘅日本拉麵，因為裏面全部都係「外籍人士」為你服務，一個日本人或香港人都冇，唔知以為自己去咗芒果乾國家。唔知點解拉麵煮得非常之慢，我哋落咗order之後，其實都等咗好耐碗拉麵先至到。可能就係因為拉麵煮得非常之慢所以我哋先至要等一個鐘啦。我哋都有order炸雞同埋餃子，炸雞比起普通氣炸鍋炸雞難食，因為皮好厚同埋好油，一啲都唔脆。餃子只係普通嘅餃子，冇特別囉。奉勸大家如果因為睇咗某個頻道話一定要試都要三思因為你要預咗等好耐，同埋要預咗你會失望而回。總括來講我覺得一個字……..「伏」。