意粉屋 (Closed)

一行六人，12:00嚟到沙田新城市廣場，望下有咩好食先，廣場非常大，有一個位置是有好多餐廳，好多選擇，中西日都可以搵到，最後選擇了意粉屋，去到門口侍應小姐話叫我地一個半鐘頭還枱，因為中午嘅關係，我哋都話冇問題！先介紹一下食物，來到意粉屋一定係叫意粉啦，叫咗個海鮮龍蝦汁焗天使麵，蝦味濃郁海鮮可以，BB豬肋骨，個醬汁好嘢味，夏威夷海鮮pizza，呢個就正正常常，冇太大驚喜，小食拼盤，樣樣都有，啱晒有選擇困難症嘅我，總括來講，地方算係乾淨，唔會有太大驚喜，坐得舒服，臨走嘅時候出邊已經大排長龍了，好彩我哋唔使等位👏👏