屯の大阪章魚燒 (Closed)

排第8，等左一個半小時。熱食都幾好食。但衛生就麻麻地，現場都幾多大烏蠅。粉漿個桶直接放地下，旁邊就係放左蛋殼厨餘既垃圾袋，仲有部麵粉機放地下。同埋手腳慢，四個爐，一爐18粒。雖然四個都有用，不過人手問題(兩個人)，基本上用得三個爐。師傅可能係新手，或者大阪風格，慢慢燒。所以條隊咁鬼長。個爐預熱都要成分鐘，粉漿又要加兩次。一爐18粒，兩個人，四個爐，整一爐1x分鐘左右。基於排咁耐，我見每人都最少買兩盒16粒。如遇到有人買四盒32粒，就大鑊，有排排。自己預時間，條隊冇瓦遮頭，記住帶傘，冇咁熱。