Video
Read full review
2014-07-26
3946 views
番完一個星期工終於到星期六啦，輕輕鬆鬆去食個午餐+下午荼先，其實之前已經鎖定左目標就係茶木啦(因為同事前兩日食過話好食)，今日去果間茶木係位於瓊華中心10樓，下午3點05分上到去，一出lift真係有d嚇親，成條走廊都係等緊入坐既人，粗略估計應該有成40人，唔理錦多去羅2人籌先，號碼已經去到40號，而當時叫緊既係1號，錦唯有落街兜個圈再上黎啦，25分鐘後上黎已經叫到23號，因為好多人羅完籌見到個號碼已經唔想等就走人，我地係走廊再等多10分鐘就入得坐了。餐廳都算幾寬敞乾淨，餐牌好似一本雜誌錦而且圖文並茂，所以我地好容易簡到我地今日想食既野啦! (吉早烤香腸肉燥飯、凍巧克力咖啡、巧克力香草蜜糖磚塊)，落單時侍應就黎提醒我地有90分鐘用餐時間，及巧克力香草蜜糖磚塊既制作時間要30分鐘。最先送上係凍巧克力咖啡($32)，最頂層係cream，cream上面有2條朱古力餅條(內有朱古力醬)及2塊朱古力夾心餅，中間個層係沙冰，而最底既就係咖啡朱古力，餅好脆而杯野飲有好香濃既咖啡味，唔覺得苦或過甜，消暑一流。第二道送上係吉早烤香腸肉燥飯($56)，用一個看似木盒既膠盒載住(膠盒邊位有甩油既情況)，肉燥飯
餐廳都算幾寬敞乾淨，餐牌好似一本雜誌錦而且圖文並茂，所以我地好容易簡到我地今日想食既野啦! (吉早烤香腸肉燥飯、凍巧克力咖啡、巧克力香草蜜糖磚塊)，落單時侍應就黎提醒我地有90分鐘用餐時間，及巧克力香草蜜糖磚塊既制作時間要30分鐘。
最先送上係凍巧克力咖啡($32)，最頂層係cream，cream上面有2條朱古力餅條(內有朱古力醬)及2塊朱古力夾心餅，中間個層係沙冰，而最底既就係咖啡朱古力，餅好脆而杯野飲有好香濃既咖啡味，唔覺得苦或過甜，消暑一流。
第二道送上係吉早烤香腸肉燥飯($56)，用一個看似木盒既膠盒載住(膠盒邊位有甩油既情況)，肉燥飯除左有燥肉(有肉香同肉汁，攪飯食唔錯)，仲有切片香腸(香腸係微甜而腸皮比較韌，無想像中既台灣腸(黑橋牌腸)錦好食，半隻流心蛋(無咩特別)，雪菜(唔會好咸好食)。
主角巧克力香草蜜糖磚塊($68)，由落單計大約等左成45分鐘先送上，黎個甜品係由雪糕+多士組成，最頂層有朱古力雪糕(應該係dreyers)，雪糕表面有綿花糖而側邊就有cream及士多啤梨，下層就有3塊烘過既厚多士(每塊都有成吋厚)，頭2塊中間係挑空，挑左出黎既多士再切成方磚形狀，然後再放番入中空既多士(方磚多士烘到金黃色好脆，蜜糖味好特出，而其餘既多士都脆既，但就無咩蜜糖味)，最底個塊多士就無挑空，但多士底部就有士多啤梨果醬。用切好左既方磚多士點上雪糕黎食，真係好好食。原來2個人真係好難KO黎個甜品(我地食到2/3個甜品時已經好飽)，除非唔叫其他野食齋食雪糕磚塊，用餐時都見到有2 pair人都靜係黎食雪糕磚塊，佢地果然有經驗!
90分鐘後侍應果然好準時錦提醒我地夠鐘，埋單係要自己羅張單出去埋的。今日黎個午餐+下午茶真係食得好滿足!
Post
