Video
Read full review
2017-05-21
2411 views
唔夠半個月就喺端午節，除咗有一日假休息吓，端午算喺較有氣氛嘅中式節日，因為當日有唔少龍舟比賽之外，應節嘅糉品紛紛湧現，令你自然知道就快端午。繼早前收到好友「奇華」嘅出品，今回接踵而來，喺嚟自城景酒店嘅「樂雅軒」，多謝好友餽贈，讓小弟初嚐此酒店中菜館嘅出品。從友人夾埋嘅單張所知，佢哋今年嘅出品口味共有3款：日本瑤柱裹蒸糉、十勝紅豆金栗甜糉及蓮蓉梘水糉，既可單買，亦可選擇套裝禮盒，再詳細睇睇，24/5前訂購更可享優惠價，有心想試嘅朋友，或打算用作送禮，就梗喺早啲訂攞盡着數啦。友人所送嘅喺端午糉套裝禮盒B，即一隻日本瑤柱裹蒸糉及一隻十勝紅豆金栗甜糉，包裝簡單而雅致。而兩隻糉都以真空包裝，並且無添加、無防腐，食用期得一個星期多左右，仲要雪晌冰格4°C或以下保存。日本瑤柱裹蒸糉 $118（優惠價）裹蒸糉賣點就喺大包圍，饀料除有蝦乾、鹹蛋黃、五花腩、大花菇……等等，亮點就喺用上日本原粒元貝（瑤柱），而且，隻糉真喺幾大隻，拍埋隻十勝紅豆金栗甜糉，真喺大成倍呎吋。雖然話材料豐富，又用上原粒瑤柱，但整體味道比較淡口，而且，啲糯米口感較濕較散，想切開影張靚相都有啲難。十勝紅豆金栗甜糉 $68（優惠價）紅豆
從友人夾埋嘅單張所知，佢哋今年嘅出品口味共有3款：日本瑤柱裹蒸糉、十勝紅豆金栗甜糉及蓮蓉梘水糉，既可單買，亦可選擇套裝禮盒，再詳細睇睇，24/5前訂購更可享優惠價，有心想試嘅朋友，或打算用作送禮，就梗喺早啲訂攞盡着數啦。
友人所送嘅喺端午糉套裝禮盒B，即一隻日本瑤柱裹蒸糉及一隻十勝紅豆金栗甜糉，包裝簡單而雅致。而兩隻糉都以真空包裝，並且無添加、無防腐，食用期得一個星期多左右，仲要雪晌冰格4°C或以下保存。
日本瑤柱裹蒸糉 $118（優惠價）裹蒸糉賣點就喺大包圍，饀料除有蝦乾、鹹蛋黃、五花腩、大花菇……等等，亮點就喺用上日本原粒元貝（瑤柱），而且，隻糉真喺幾大隻，拍埋隻十勝紅豆金栗甜糉，真喺大成倍呎吋。
雖然話材料豐富，又用上原粒瑤柱，但整體味道比較淡口，而且，啲糯米口感較濕較散，想切開影張靚相都有啲難。
十勝紅豆金栗甜糉 $68（優惠價）紅豆配金栗其實絕唔陌生，因為晌甜品圈裡久唔久都會遇到，尤其日系甜品，更經常出現，至於作為糉饀而做出嘅甜糉，我自己印象中就喺第一次試喇。
基本上，糉身跟一般食嘅糉分別唔太大，都喺糯米（但就無加入綠豆做），但十勝紅豆並非做成豆沙，而哋原粒加入啲糯米度，紅豆有咬口，非常清甜，而粒金栗既完整，算大粒，粉甜栗香，食得出喺靚料嚟。
多謝好友心意，臨近端午，又多試兩款糉品，個人就較喜歡隻甜糉。
Other Info. :
因為喺朋友送贈，所以，幾個細項評分（環境、服務、衛生、抵食）嘅參考值唔大。
(The above review is the personal opinion of a user which does not represent OpenRice's point of view.)
Post
