大滾友火鍋

Open Now

Now Closed

入元朗國郊遊遊，打邊爐做大滾友。平日的兩點幾，從門口望入去黑蚊蚊，還擔心咁早無人打邊爐？入到去原來好華麗，兩個人坐卡位也很寛敞。打開餐牌的第一感覺是得意，每款湯底都配搭有趣名稱。之後一望價錢，都幾離地啊！但係原來6點前離座有68折，咁就抵好多，唔怪得其後陸續有客人入嚟，還可以慢慢食慢慢坐到6點，啱曬和朋友吹水。至於食物質素，可說對得住個價錢。🔅［櫻唇半開］特色卜卜蜆鍋：上枱視覺效果佳，蜆肉多到好似食唔完，非常新鮮、肥美，還有大量芽菜和唐芹。蜆肉多，逐隻食有點攰，我把一些蜆肉與芽菜放碗中，加蒜蓉豉油，成碗食，大滿足。這煲用鮮蜆滾嘅湯鮮甜到不得了，又冇油，記得飲碗湯才加湯打邊爐。🔅酒香陳年花雕浸牛肉和🔅骰子牛肉粒：兩種牛肉都足牛肉味和有口感。花雕浸牛肉的肥膏部份入口融化，食完回甘有花雕酒味，而且份量多又伴以芽菜；骰子牛切得較碎，相對無咁抵食。🔅大滾友肉丸拼盤：手打墨魚丸、豬肉丸、鮮蝦丸、牛丸等5款共10粒，全都新鮮彈牙，其中鵝肝墨汁墨魚丸最有特色又好味。🔅大扇貝和🔅皇帝菜：新鮮。🔅自家製炸魚皮：第一次食到咁新鮮香脆不過鹹的炸魚皮，推介。襯有折可以試下。