Jacky's Kitchen (Closed)

住喺香港嘅我竟然唔知道有呢間餐廳，見到呢間餐廳門口有得泊車入嚟試試，一對來餐廳好舒服，侍應服務非常好又有禮貌，最後仲發現個廚師簡直係臥虎藏龍。Lunch Menu主要分普通set lunch同埋Executive Set Lunch 兩大類包餐湯主菜餐飲，另外可以追加小食同甜品。首先要讚下個龍蝦湯同埋南瓜湯好足料，湯口感和味道豐富, 蒜蓉包脆卜卜，沙律菜又夠新鮮，另外追加嘅頭盤小食香煎鵝肝入口即溶大大塊好鮮美，外面煎得好香口入面又夠滑溜，同朋友一齊食滋味無窮，極度推介。主菜叫咗烤紐西蘭七成熟羊扒完全無羊羶味用醬汁調得很好,不錯！三大件鮮味一流嫩滑有口感，好嫩好林好多肉汁好Juicy。而我揀嘅係香煎三文魚，魚表面煎得香脆但肉又夠軟，配合淡淡嘅檸檬汁真係好好味，更可以顯得肉質新鮮！仲要所有伴菜非常新鮮爽口好味，連甜品都非常美味唔會太甜，食物同服務都一流選料上乘物超所值，必推介的好餐廳！