一鍋堂 (瓊華中心)

Open Now

Now Closed

一鍋堂係我打邊爐放題嘅熱選店之一 因為價錢唔算貴 但係選擇算多 我哋叫咗限時推出嘅椰子雞鍋湯底 個湯飲落好濃雞味 就咁飲都好好飲我哋坐低無耐之後 店員仲話當日做緊promotion每人有免費生啤一杯送 係帶有果味嘅啤酒 飲落好順口 啱曬女仔餐廳嘅嘢食用qr code落單 肉類有安格斯牛肉 封門柳 牛板腱 西班牙穀飼豬梅肉 花雕雞 肉質都算係唔錯 ； 海鮮有大蜆 海蝦 鱔 龍躉 尤其大推A類大蜆 超級鮮甜 食完再飲個湯 因為個湯都吸咗海鮮嘅鮮甜味所以好鮮超好飲 ； 手打墨魚丸 手打蝦丸 非常彈牙 ； 另外仲有油炸鬼蝦滑 蟹柳 萵筍等等除咗電話落單嘅嘢之外 出面有自助吧 可以自助飲品 菜類同埋火鍋配料 仲有沙律水果吧 雪糕機同雪糕櫃食飽之後我哋仲食咗杯雪糕 雪糕有自家製冰淇淋仲可以揀oreo同彩虹脆脆 亦有杯裝嘅雲呢拿雪糕同抹茶雪糕 非常滿足