大紅袍火鍋料理

Open Now

Now Closed

好耐都無打邊爐啦，之前聽朋友介紹呢間大紅袍好好味，於是就淰住去試下啦。好彩提前一個星期book位，星期六夜晚九點去到都好full。湯底要左朋友推介的火焰清酒醉甲鍋，再叫左頂級安格斯牛頸脊，冰豆腐，西班牙豬肉，墨魚滑，鬼馬蝦膠，黑松露水餃。我地等左起碼15分鐘個鍋先到，餐前小食已經比我地食曬。鍋底材料都幾足，有花甲，冬瓜粒，洋蔥，同牛肉粒。店員會幫忙燒一燒個鍋先，再加湯落去煮。我地每人飲左兩碗湯，個湯唔錯，不過我略嫌酒味太重，但朋友覺得ok。安格斯牛頸脊有d失望，無麼牛味之餘仲有d鞋。鬼馬蝦膠真係唔錯，放落湯度浸一分鐘左右就食得，仲好脆。黑松露水餃個黑松露味堅勁，不過有d膩，每人兩粒就夠曬啦。墨魚滑都有d失望，墨魚味不重，也不算彈牙。冰豆腐好正，索曬個湯底，好好味。總括而言呢餐尚算唔錯。不過貴左d，兩個人食左840蚊，服務態度幾好，但食物質量有待改善。