新麻蒲 BBQ (形點) (Closed)

之前已經去過多次新麻浦食烤肉，我和hubby都覺得佢既烤肉有信心保證，每次食都會帶番起我地喺南韓食烤肉既情懷，是日忽然又憶起廣藏市場內美味的生拌牛肉飯，心裏真的好掛念，於是去新麻蒲叫番個黎慰藉下，本來都期望不高，預計烤肉店都係烤肉先會出色，其他料理較遜色是正常，試過後覺得佢同樣無令我地失望，所以要推介一下比大家。生拌牛肉飯用大大的碗上桌，上面外圍排放著七彩繽紛的菜蔬，令人看得心情開朗，有豆芽、脆肉瓜、菇、紅蘿卜、菠菜、洋葱、生菜，所有蔬菜都用麻油炒香。而中間有主角生牛肉和梨子，生牛肉上用了幾顆松子點綴，不單令賣相更精緻，亦增添多一種口感，同時亦表現了韓國著重養生的飲食精神。黃澄澄的蛋黃不單為拌飯加添色彩，和牛肉拌勻吃可令牛肉入口更滑流。拌飯一定要拌勻所有材料和拌飯醬，別看拌飯醬紅卜卜便以為很辣，其實一點都不辣，生牛肉入口也一點都不腥，肉質軟腍，和蛋黃拌勻後，入口香滑，對於喜歡吃生牛肉拌飯的朋友，一定不可錯過。另外我也單點了一份護心肉，雖然午市只點了兩樣食物，但是新麻蒲免費供應的配菜款式和份量和晚市都是一樣，泡菜和沙律放滿大半張餐桌，吃得人滋味滿足。