魚你相聚

Open Now

Now Closed

📍近長沙灣地鐵站A出口嘅酸菜魚小店，價錢比較相宜，平均一人餐都只係大約$70左右，除咗酸菜魚仲會有煲仔飯可以揀。想飲吓湯揀咗胡椒豬肚雞煲($70)，熱辣辣原煲上勁香！個胡椒味好重，豬肚份量都多，但係略嫌啲雞件比較鞋口少少，個底仲會有啲娃娃菜墊住。酸菜魚($268)有四款魚可以揀，我哋就揀咗鯛魚，食落口比較爽身同埋啲皮好脆口，今次見到有特別啲嘅檸檬酸菜湯就試吓先！加咗檸檬酸酸哋幾開胃，個辣度感覺上亦都冇平時食開嘅酸菜魚咁辣。入邊仲有好多配菜，例如薯粉、薯仔片、萵筍、金針菇同豆腐等，仲可以揀兩款主食(白飯、薯粉或米線)。