Video
Read full review
2023-05-10
56 views
身邊住元朗嘅朋友都聽過元朗新記，身為元朗老字號，元朗新記近年喺各區都開咗分店。除咗元朗本店，佐敦都開咗一間新記，咁以後唔使入元朗都食到元朗名物喇🤩店內看似同一般茶餐廳無異，但憑住出色嘅美食大受食客歡迎，當日店內坐滿咗8成，人流頗多，眼見侍應手腳勤快，態度友善，不時與熟客打招呼；睇睇餐牌先，發現食物選擇好多，除左佢哋嘅馳名粥品外，仲有多款港式經典特色粉麵飯同招牌小炒系列👀作為老字號生滾粥店，緊係要試下佢啲粥品啦，我哋揀咗貴妃雞蠔仔粥，粥底入口綿滑，最正係雞肉精華完全融入曬去粥入面，但又唔會有太多雞油～而且米粒已經開花，大米嘅香氣同蠔仔嘅鮮味融為一體，食完一碗，由個口暖到去到胃到😋由於對香口嘢特別情有獨鍾，我哋叫咗蜆介鯪魚球同埋酥炸魷魚鬚，蜆介鯪魚球一定要叫因為出面唔多鋪頭有出呢款食物，鯪魚球粒粒飽滿，size大概係細扭蛋少少，焦黃色嘅黃色外皮皺皺地，一啖咬落去，豐富油脂同咸香喺口中散發，柔韌得嚟帶彈牙口感，好快就清碟。酥炸魷魚鬚亦係店內熱賣小食之一，雖然話就話係小食，但係份量一啲都唔少，仲有手指咁粗😆 新鮮炸起嘅魷魚鬚熱辣辣，每條魷魚鬚充滿彈性，又唔會過於油膩，真係有啲相逢恨晚嘅感覺🤭最
身邊住元朗嘅朋友都聽過元朗新記，身為元朗老字號，元朗新記近年喺各區都開咗分店。除咗元朗本店，佐敦都開咗一間新記，咁以後唔使入元朗都食到元朗名物喇🤩店內看似同一般茶餐廳無異，但憑住出色嘅美食大受食客歡迎，當日店內坐滿咗8成，人流頗多，眼見侍應手腳勤快，態度友善，不時與熟客打招呼；睇睇餐牌先，發現食物選擇好多，除左佢哋嘅馳名粥品外，仲有多款港式經典特色粉麵飯同招牌小炒系列👀
作為老字號生滾粥店，緊係要試下佢啲粥品啦，我哋揀咗貴妃雞蠔仔粥，粥底入口綿滑，最正係雞肉精華完全融入曬去粥入面，但又唔會有太多雞油～而且米粒已經開花，大米嘅香氣同蠔仔嘅鮮味融為一體，食完一碗，由個口暖到去到胃到😋
由於對香口嘢特別情有獨鍾，我哋叫咗蜆介鯪魚球同埋酥炸魷魚鬚，蜆介鯪魚球一定要叫因為出面唔多鋪頭有出呢款食物，鯪魚球粒粒飽滿，size大概係細扭蛋少少，焦黃色嘅黃色外皮皺皺地，一啖咬落去，豐富油脂同咸香喺口中散發，柔韌得嚟帶彈牙口感，好快就清碟。酥炸魷魚鬚亦係店內熱賣小食之一，雖然話就話係小食，但係份量一啲都唔少，仲有手指咁粗😆 新鮮炸起嘅魷魚鬚熱辣辣，每條魷魚鬚充滿彈性，又唔會過於油膩，真係有啲相逢恨晚嘅感覺🤭
最後，加多隻紅燒元朗脆皮乳鴿，乳鴿皮脆肉滑，燒出嚟嘅色澤都幾均勻🥴撕開脆皮嘅一瞬間，已經feel到油脂好豐富，係一種又鮮又嫩嘅感覺💦輕咬一啖乳鴿，肉同汁都出曬嚟，連骨頭都入曬味，配上椒鹽，別有一番風味。最後叫多兩杯熱豆漿，會飲到有啲腐竹碎喺入面，香甜幼滑，好有豆味😆 係一大驚喜，本來仲想試埋其他小炒系列，奈何食咗咁多款美食，飽得肚皮容納唔到更多，唯有留少少遺憾，下次再試👀
Post
