SUKIYA すき家 (亞皆老街)

Open Now

Now Closed

幾年都未食過類似嘅丼，之前知道SUKIYA すき家 係香港開左分店一直都想試，但次次都見到條龍好長，就放棄左，今次去到條隊唔長，即排。要係收銀落單比錢，之後店員會拎野食比客人~我order左炙燒豚丼 M，朋友就叫左炸雞咖喱L (呢到可以揀丼嘅份量)。我地仲加左$10要菜同檸檬茶。炙燒豚丼 ($45)食完好似去左日本咁，好正。D豚肉好入味，好好食，連D米都好好食，我冇誇張。炸雞咖喱 ($63)我同朋友都唔食得辣，呢個咖哩對於我地黎講係辣嘅，但個咖哩汁真係好好食，我未試過係香港食到過呢隻咖哩汁，明知辣都不停偷朋友個D食。菜同檸檬茶個菜我麻麻，佢煮法冇問題，個味係幾好。但D菜本身有少少”梅”，唔太新鮮，檸檬茶係正常水平。Overall好唔好食? 好食會唔會再幫襯?會，想試哂其他丼。