Video
Read full review
2018-07-04
100 views
同朋友晚飯，佢揀左亞士厘道呢間樓上西餐。餐廳細細，但是都幾舒服。餐牌選擇多，有一人套餐，又有二人套餐，真係選擇困難症發作了⋯⋯原來仲有牆上面掛咗的 today special ，一眼就見到最吸引我的西班牙海鮮飯。為左紀念佢出局，我決定今晚就食咗佢。 而朋友就 order 左紐西蘭肉眼扒，大家 share 食。等食期間有免費的餐包，都有好多款，有牛角包、小餐包同埋餅乾條，上枱仲係暖笠笠。其中我最鍾意牛角包，酥皮之下，真係一層層的麵包，好鬆軟，少少煙韌，唔會太油，好好味。朋友就食曬啲餅乾條，一塊都唔留俾我，似乎好得。話咁快食物就上枱，首先來的是西班牙海鮮飯 $168 。份量其實好多，有好多唔同海鮮，仲要有個小火爐邊食邊暖住，賣相吸引。蝦是大大隻的，爽口彈牙。青口好新鮮，同埋唔會太熟，食起上嚟好鮮味，竟然有食生蠔的口感。其他餸仲有好多肥嘟嘟蜆仔、魷魚圈、元貝粒、雞肉同埋番茄仔。佢嗰汁都唔錯，味道正宗。唯一略嫌飯唔夠淋，有少少飯粒會硬，扣了點分數。另一菜式，紐西蘭肉眼扒 $118 都係好得，一來就已經聞到好香牛扒味。牛扒雖然唔算厚，但佢表面煎得好靚得來，而裏面又真係 keep 到 medium
餐廳細細，但是都幾舒服。
餐牌選擇多，有一人套餐，又有二人套餐，真係選擇困難症發作了⋯⋯
原來仲有牆上面掛咗的 today special ，一眼就見到最吸引我的西班牙海鮮飯。為左紀念佢出局，我決定今晚就食咗佢。 而朋友就 order 左紐西蘭肉眼扒，大家 share 食。
等食期間有免費的餐包，都有好多款，有牛角包、小餐包同埋餅乾條，上枱仲係暖笠笠。其中我最鍾意牛角包，酥皮之下，真係一層層的麵包，好鬆軟，少少煙韌，唔會太油，好好味。朋友就食曬啲餅乾條，一塊都唔留俾我，似乎好得。
話咁快食物就上枱，首先來的是西班牙海鮮飯 $168 。份量其實好多，有好多唔同海鮮，仲要有個小火爐邊食邊暖住，賣相吸引。
蝦是大大隻的，爽口彈牙。
青口好新鮮，同埋唔會太熟，食起上嚟好鮮味，竟然有食生蠔的口感。
其他餸仲有好多肥嘟嘟蜆仔、魷魚圈、元貝粒、雞肉同埋番茄仔。
佢嗰汁都唔錯，味道正宗。唯一略嫌飯唔夠淋，有少少飯粒會硬，扣了點分數。
另一菜式，紐西蘭肉眼扒 $118 都係好得，一來就已經聞到好香牛扒味。牛扒雖然唔算厚，但佢表面煎得好靚得來，而裏面又真係 keep 到 medium rare ，盡顯師傅功夫。牛味濃，唔韌又冇筋，花園價錢，酒店水準，超值。
飲品方面，朋友叫左 house red $58 ，係澳洲紅酒，用左 shiraz 提子，果味好香又夠濃厚，唔會太甜，酸甜度適中。餐牌寫住好適合配西班牙蝦意粉，朋友話佢配合海鮮飯同埋牛扒都好掂。
而我就叫左白桃橙梳打$36， 酸酸甜甜好香果味，夠 refresh。
雖然食物叫得唔多，但碟碟都好大碟，價錢唔貴得來味道又good ，性價比不錯。 每人都係百幾蚊，已經好飽了。
Post
