番茄18

Open Now

Now Closed

呢間餐廳主打蕃茄湯底同埋滷水雞脾雞翼，但係今次就無試到呢兩個招牌菜。我哋兩個人要咗口水雞半隻，一個胡椒豬肚雞米線，一份鹹牛肉蔥花炒蛋三文治，同埋一份上湯浸娃娃菜。首先想講吓佢個口水雞，非常之嫩滑，啲骨仲有少少紅色，浸雞嘅時間啱啱好，就連雞胸肉都好滑，口水雞嘅醬汁都唔錯，唔會好辣，上邊除咗花生配料，仲加咗少少粟米脆筒嘅零食，好搞笑。胡椒豬肚雞米線嘅胡椒豬肚湯都唔錯，胡椒味幾濃，冬天食就最啱，食完暖笠笠。鹹牛肉蔥花炒蛋三文治個炒蛋唔算細份，有一定嘅厚度，生熟度都拿捏得都唔錯，如果個麵包可以焗得脆少少就更加好啦。