煲仔榮記 (Closed)

裝潢富有七、八年代香港既風貌。竹棚、霓虹燈牌、摺枱摺櫈先，好有年代感。媽咪見到牆上面既相畫，都覺得好有親切感，勾起不少回憶。✨秘製豉汁白鱔煲仔飯白鱔份量都唔少，有成5-6件，每件都好肥美好厚肉。魚肉好嫩滑，唔腥，用豉汁蒸更加惹味。用$15加臘腸，係唔平，不過算大條。肥瘦比例適中，好香好有咬口。最讚當然唔少得有底靚飯焦。全底金金黃黃，好脆口又唔會痴哂底💗✨蟹粉煲仔腸粉份量其實唔多，但優勝在蟹粉既鮮味，有蟹肉之餘仲有蟹膏😍加上腸粉外層煎成微脆，都好香口。喜歡可以加少少自家製come撈汁（似豉）或蝦油提味。最後叫左話梅檸檬雪碧（+$25）同凍檸蜜（$8），好滿足既午餐。