Video
Read full review
2022-08-22
291 views
呢間日式小店裝修得好靚❤️用咗櫻花同日本動漫做主題，店內放有動漫嘅模型同海報，環境乾淨企理，十分舒適。香蒜和牛粒石鍋飯 $88呢碗石鍋飯真係冇得彈😍上枱嘅時候成本碗嘢熱辣辣，蒜香味直迫嗅覺，未放落口已經夠曬吸引🤤和牛粒都唔少，上面仲有隻蛋黃，將佢哋撈埋曬落啲飯度，大大啖噉食落口，十分之味😋和牛粒唔會煮得太耐，軟度適中，牛肉味香濃，值得一試。京蔥牛舌飯 $52另外嗌咗碗牛舌飯，上面有紫菜絲同沙律菜做配菜。牛舌雖然係切細既，但係份量十分之多😲完全係抵食之選。配既汁係甜燒汁，撈勻食落口有微微嘅甜味，有牛肉香同芝麻香，完全食唔停口😳名古屋雞翼 $42三隻炸得好脆嘅雞翼🥳炸粉唔厚，落咗芝麻同七味粉做調味，食落口鹹味帶微辣，味道一流👍佢應該係即炸嘅，脆得黎唔油膩，肉質亦都嫩滑，係酥脆可口既小食。鹽燒雞翼 $28用炭爐燒嘅雞翼，食落會有好聞嘅炭香味🐔鹹度適中肉質嫩滑，唔想食得太熱氣嘅朋友就可以用燒雞翼代替上面既炸雞翼，味道都係一級棒。鹽燒三文魚鰭 $58分量都唔算少，咸味調配得剛剛好😄會有檸檬汁同柚子汁俾食客自己調味，酥香可口，魚肉夠滑。雞泡魚乾 $78一大塊切絲雞泡魚乾，燒得香口😁點配蛋黃醬，有少量
香蒜和牛粒石鍋飯 $88
呢碗石鍋飯真係冇得彈😍上枱嘅時候成本碗嘢熱辣辣，蒜香味直迫嗅覺，未放落口已經夠曬吸引🤤和牛粒都唔少，上面仲有隻蛋黃，將佢哋撈埋曬落啲飯度，大大啖噉食落口，十分之味😋和牛粒唔會煮得太耐，軟度適中，牛肉味香濃，值得一試。
香蒜和牛粒石鍋飯
$88
12 views
0 likes
0 comments
京蔥牛舌飯 $52
另外嗌咗碗牛舌飯，上面有紫菜絲同沙律菜做配菜。牛舌雖然係切細既，但係份量十分之多😲完全係抵食之選。配既汁係甜燒汁，撈勻食落口有微微嘅甜味，有牛肉香同芝麻香，完全食唔停口😳
京蔥牛舌飯
$58
13 views
0 likes
0 comments
名古屋雞翼 $42
三隻炸得好脆嘅雞翼🥳炸粉唔厚，落咗芝麻同七味粉做調味，食落口鹹味帶微辣，味道一流👍佢應該係即炸嘅，脆得黎唔油膩，肉質亦都嫩滑，係酥脆可口既小食。
名古屋雞翼
$42
16 views
0 likes
0 comments
鹽燒雞翼 $28
用炭爐燒嘅雞翼，食落會有好聞嘅炭香味🐔鹹度適中肉質嫩滑，唔想食得太熱氣嘅朋友就可以用燒雞翼代替上面既炸雞翼，味道都係一級棒。
鹽燒三文魚鰭 $58
分量都唔算少，咸味調配得剛剛好😄會有檸檬汁同柚子汁俾食客自己調味，酥香可口，魚肉夠滑。
雞泡魚乾 $78
一大塊切絲雞泡魚乾，燒得香口😁點配蛋黃醬，有少量七味粉，係我喺日式餐廳通常都會叫嘅小食。
汁燒雞皮 $32
兩串嫩滑嘅雞皮，適合一啲鍾意食雞皮嘅朋友，味道正常。
Post
