傑星冰廳

Open Now

Now Closed

斑斕咖央西多士$35 推薦！西多士可以媲美唔少名氣大嘅茶餐廳！就算擺咗一陣，口感依然鬆脆，食落去唔會覺得膩，一口接一口食唔停🤤忌廉芝士雞扒 $56份量十足，忌廉味濃郁，如果轉做焗盤有返焦香就更好，但整體味道仍然不俗。牛扒火腿瑞士汁撈丁 $52同樣份量慷慨，牛扒一件件切好擺放整齊，賣相出色，令人相當有食慾！撈丁有多款醬汁可以選擇，瑞士汁帶一點微甜，唔會覺得太鹹，食得舒服。拳頭拇湯 $32初嚐拳頭姆湯，帶點蔬菜鹹香嘅湯頭，有彈牙嘅丸類同蔬菜。雖然未到完美，但份量、質素、服務同價錢都冇得挑剔！感受到係一間用心嘅小店，值得支持！