麵道 (Closed)

當日衝住伊勢海老豚骨湯而來，點知晏就四點鐘醬油豚骨同伊勢海老豚骨湯已經沽清，只剩雞白湯可供選擇。早前係旺角某拉麵鋪試過雞湯，湯底淡而無味，從此令我對雞湯蒙上陰影。一場黎到，我又唔甘心空肚而回，就儘管俾次機會啦🙋🏼濃厚雞白湯 $72店舖環境舒適，拉麵賣相不俗，湯底較杰身，味道濃郁，好香濃既雞味。麵條幼身，掛湯力高。雞叉燒經炙燒過，大大件但味道普通。建議揀返少油會更好食🤗整體唔錯～為左試海老豚骨湯，隔日又黎左呢度食野！-伊勢海老豚骨湯 $82上枱既時侯一陣香氣撲面而來，聽講湯底係用上波士頓龍蝦蝦頭，蝦膏同蝦殻熬制而成，難怪蝦味濃郁，香氣逼人。湯底比雞湯更杰身但冇咁多油，我一向唔係蝦湯既愛好者，覺得味道普通，有少許失望，我諗下次都係食返雞白湯好啲🙈🙈