Video
Read full review
2011-01-03
4 views
原本諗全去倣雲峰食蠔，渣車經過醒起係or有食評介紹過好似都幾吸引，決定改變行程。企係門口睇下，唔收加1，門口有個阿姐sell，都幾好禮貌，就入內一試。一入門口‧‧‧煙霧霾漫，仲有啲醃眼添，抽風十分之有問題，第一個印象已經扣分。牆上貼滿某大集團旗下歌手藝人poster，又有該集團名經理人蘭花藍，唔知係咪有咩關係？諗緊好唔好走人之際，女主人已經奉上前菜同醬料，有生青瓜兩小條，生紅蘿蔔2小條，生椰菜一小舊。醬料有激辣醬，橙味醬，同沙律醬。激辣醬唔食，橙味醬配烤物唔識欣賞，沙律醬正常。睇一睇食咩，原來個前菜係要比錢，仲要係$8蚊一位，即係嗰幾條嘢就咁就收你$16蚊。呢啲焗你食嘅規矩，我淨係習慣係酒樓收酸菜錢遇到，呢啲小食舖頭，怒我接受唔到被屈$16蚊(咁我當收加1囉)，第二個印象又扣分。tick紙仔睇下有咩食，價錢其實偏貴，坐底咗都要食架。點咗燒大虎蝦，燒雞翼，燒牛脷，燒鱔，仲叫咗牛肉烏冬，諗住叫個飽肚啲唔駛咁貴嘛。出菜果然係比較慢，但係只有3枱客，其中一枱應該係老闆嘅朋友，另一枱係兩公婆，唔知如果坐滿客要等幾耐(if...坐得滿...)。首先嚟到嘅係牛肉烏冬$32，OMG!!!個碗細嘅程度可
一入門口‧‧‧煙霧霾漫，仲有啲醃眼添，抽風十分之有問題，第一個印象已經扣分。牆上貼滿某大集團旗下歌手藝人poster，又有該集團名經理人蘭花藍，唔知係咪有咩關係？
諗緊好唔好走人之際，女主人已經奉上前菜同醬料，有生青瓜兩小條，生紅蘿蔔2小條，生椰菜一小舊。醬料有激辣醬，橙味醬，同沙律醬。激辣醬唔食，橙味醬配烤物唔識欣賞，沙律醬正常。睇一睇食咩，原來個前菜係要比錢，仲要係$8蚊一位，即係嗰幾條嘢就咁就收你$16蚊。呢啲焗你食嘅規矩，我淨係習慣係酒樓收酸菜錢遇到，呢啲小食舖頭，怒我接受唔到被屈$16蚊(咁我當收加1囉)，第二個印象又扣分。
tick紙仔睇下有咩食，價錢其實偏貴，坐底咗都要食架。點咗燒大虎蝦，燒雞翼，燒牛脷，燒鱔，仲叫咗牛肉烏冬，諗住叫個飽肚啲唔駛咁貴嘛。
出菜果然係比較慢，但係只有3枱客，其中一枱應該係老闆嘅朋友，另一枱係兩公婆，唔知如果坐滿客要等幾耐(if...坐得滿...)。
首先嚟到嘅係牛肉烏冬$32，OMG!!!個碗細嘅程度可比美茶餐廳裝例湯嘅碗，牛肉如果同個碗嘅比例相比，都叫多架啦。老實講，味道唔差，加咗味精幾好食。但係呢個size，保守估計係別人正常分量嘅1/3至1/4。我另願比$5x-$6x蚊出嚟，你比個正常分量我，唔好係度到扮高檔。你係咪以為自己做緊懷石料理呀？？？第三個印象又要扣分。
燒烤陸續出場，先嚟個送嘅花蝦(價值$30蚊)，老闆咩都冇講就擺底，我仲以為係我點嗰隻虎蝦。呢度無論係硬送比你定係硬收你錢嘅嘢都唔會話比你知，總知就窒比你，真係得意！早知有花蝦送我就唔會點虎蝦。味道ok，普通鹽燒，肉實夠新鮮。
虎蝦$58，呢個價錢唔係話好貴，而且夠大隻。一樣評價，味道ok，普通鹽燒，肉實夠新鮮。
燒雞翼$13，正常價，味道ok，冇特別。
燒牛脷$18，出事啦，得3片，有1片仲要係得1蚊銀咁大，即係平均要成$6個幾1片，但係點解有人話佢抵食呢？？？味道ok，都係一般落咗七味粉嘅串燒，但並未去到值$6個幾1片。邊一方面抵食？？？R哂頭。第4個印象又扣分。
燒鱔$28，唔知叫唔叫貴，不過唔係脆鱔，所以呢個好失望。第5個印象再扣分。
食嘅其間，老闆係咁問我駛唔駛要嘢飲，駛唔駛再加嘢食，好似話比我地聽比好少生意佢咁。第6個印象都冇分可扣，留番1分比你食物嘅味道啦。不過真係唔好意思，食我唔係食唔起，不過你地嘅出品唔值得我比呢個價你。我諗你地揀錯地方開錯舖啦，土瓜灣呢啲平價地方唔啱你呢啲高尚食府做生意，去銅鑼灣or中環開檔罷啦。或者你地持住有大集團撐腰而自抬身價，不過唔適合去土瓜灣搵食嘅平民。
後話，食完呢餐之後，隨即走過隔離食得獎叉燒飯。又平又好食！！！都未試過一晚連食兩個晚餐(早知去食蠔)。
Post