蝦佬燒 (Closed)

臨時 臨急 約食晚。朋友仔推薦依間<<蝦佬燒>>，位置有D難到,朋友仔請taxi,去到 唔洗等位...環境都唔錯。Oder 個枝豆當前菜，出菜比較慢，結果中場先上，都算。枝豆 無味 仲要係熱騰騰既，扣分呀。再order 一系列串燒(價錢其實偏貴):燒菠蘿(太酸太酸㕸),翠玉瓜(鮮甜多汁),雞軟骨(外脆內爽), 銀杏(煙齦鬆軟,但太苦), 燒粟米(燒得太乾身啦)其中豬頸肉，燒雞翼我覺得幾好味。鱔肉,大蔥,及其他燒物 都屬一般。朋友仔食左一個牛肉拉man…..我覺得好普通。個侍應遊緊雲，食完埋單 ($278)。總結:有D野，食過咪算囉，唔甲口味既，總有下一間更好既。

今日放假, 落左去樓下食呢間燒蝦佬. 下午茶餐. 包左兩個串燒, 加一個烏冬, 再加一杯汽水, 都只需要26蚊. 我叫左2個餐, 串燒揀左燒雞翼, 虎皮尖椒, 大蔥, 豬頸肉, 其中燒雞翼非常好味, 推薦大家試下. 尖椒同個豬頸肉, 味道係OK既, 但量就少左D, 但下午茶佢都肯開個爐燒俾我食, 都算係咁. 叫幾底咁啦.

正式貴夾唔飽見少人唔洗等位先入去食試過佢個燒帶子, 唔係難食既, 不過以咁既價錢, 冇預期中好囉其他都冇乜邊樣唔好食, 但又冇乜邊樣好好食咁如果價錢合理既(around 100蚊食得飽既), 我會俾80分佢既食一次唔會再食第二次不過未食過燒海鮮既, 當玩下試一次都OK既~真係一次咁大把囉...

同屋企人一齊四個人食左呢間野點知咁就出事啦先等左幾個字時間,黎左一串芝士腸,極咸,感覺極差然後幾個字幾個字咁等落去,中間食過幾樣野,都唔記得左係乜,總之感覺都係差之後黎左兩條價值三十幾蚊一條嘅蝦,以為叫得做蝦佬燒,d蝦一定有番咁上下點知係食落d味同我平時食開白灼基圍蝦冇分別,腥味尤有過之,而且條蝦係涷冰冰嘅又一隻大龍蝦黎到,不過由於我有四個人嘅關係,我係冇份食嘅,聽佢地講話勉強入到口,順帶一提隻蝦係七八十蚊安格斯牛肉粒,食落好韌,又燒得好乾身冇肉汁,同埋同之前條蝦一樣,都係涷冰冰嘅最最最嬲係碟青椒,一條青椒,切開兩截,賣一截俾你,盛惠九塊錢,貴得有點過份全場食得最安落係理論上點都唔會燒出事嘅燒粟米,十幾蚊,起碼唔會擺左落口之後心情置於想吐與不想吐之間而且粟米係最能飽肚嘅,食左個半鐘以上,總要有d野能夠醫肚總結:呢間野真係又貴又唔好食,土瓜灣地方銅鑼價錢,而且份量小得十分可憐

午餐路過見到間野裝潢唔錯,有好多唔識的人的海報,又有電視機見d飯都係$3x就入去試下啦,點知中伏我問佢:學生有冇野飲送?佢答:野飲+$4我:心唸:算,最多唔飲野之後個飯令我又一次中伏我叫的係泰式豬頸肉飯豬頸肉就5舊,個飯就一碗咁多,冇多冇少有d沙拉同燒青瓜(好難放入口),再加上好多的泰式辣醬冇錯,係泰式辣醬,係m記果隻味,係m記果隻樣味道係冇問題的,不過我舉個例子,用魚蛋雞翼煲湯,魚蛋同雞翼的味道係冇問題的咁係因為魚蛋同雞翼的味道有保證而已總言之,比我的感覺就係......學生飯初中每月訂飯的感覺,汁好多,有d肉係入面遊水味道係冇問題,但如果要你食多次就真係免了不過如果你想體驗的話係要比學生飯盒兩倍價錢最後我地一台人完全冇人出聲就拿拿聲走人位位$28,因為學生優惠,旁邊果位先生就陰公d$33個飯再+$4可樂...換黎一肚怒火

土記食街裡頭的食肆真有如走馬燈般的團團轉。作為其中之一的生力軍便是這一間以串燒作主打的"蝦佬燒"....新店開張，自然要來一個大贈送以作酬賓。是夜主角是買一送一的斑馬瀨尿蝦。真不可謂不大手筆....吃串燒怎能沒有啤酒?店裡只有德國啤Erdinger供應，與太太各來一枝。很易入喉，麥味甚重，乃是小弟對之的印象.....一眾燒物未端來，通常作為押尾的豬骨湯烏冬竟搶閘出籠。烏冬本身帶少許咬勁，本應甚好，但那豬骨湯喝起來卻覺像味精水，嗒後令人喉嚨不太舒服....吃過烏冬，一串串燒物徐徐送到。先來我倆最愛的牛舌。質地非常的韌，雖不至於完全咬不動，但對之留下的印象已是不佳；調味方面，鹽及胡椒似乎下得"過了龍"，吃不出牛舌應有的鮮，失敗...燒蒜蓉元貝的蒜蓉可以多一點也沒所謂 (因我倆都是嚐蒜的狂人)；元貝甚新鮮，帶甜。新鮮的海鮮，當然不會特別的難吃了....吃多了肉，來一塊燒菠蘿來間間場。用上新鮮菠蘿去處理，甜得漏糖。跟靚的海鮮一樣，是難吃極也有個譜....奉送的斑馬瀨尿蝦肉蠻鮮甜，但質地卻感"削"了一些，而且沒有甘美的膏存在。看起來怎樣也差了點....鱔肉燒得皮脆肉彈，是在水準以上的....怎樣

下午 約7:00入到去, 只有兩檯客, 一坐低就拎一小盤生蘿蔔, 青瓜及生椰菜, 3款醬汁擺低, 我告訴侍應沒叫這些東西, 並問要不要收錢, 侍應這時才支吾說道要收前菜每位$8!! 唔係化?? 這裡是土瓜灣啊! 你估是在尖沙咀大酒樓麼?? 這真的不可接受!! 算! 為免掃興, 便點菜, 發現餐牌上食物種類少之又少, 而且價錢偏貴, 在無可選擇下便點了7樣BBQ, 那些湯麵及貴價海鮮真的沒有興趣.1. 羊肉串 ($18), 收得我$18, 起碼有2串吧.....怎料只有一小串, 我與友人平分,每人半隻手指那麼長, 一口吃完!!! 之後互雙對望無言!2.燒南瓜 ($9), 得三條!!, 每條像原子筆那麼幼, 每條約1.5吋至2吋長.......請自行想像一下有幾大份!3..燒多春魚 (約 $8, 忘記了), 見過以上情況, 估計只有一條, 中!4. .燒羊扒( $28), 最正常的一件肉, 但薄荷醬及介辣就欠奉, 心情極壞中, 也懶得叫侍應取來.5 燒茄子 (約 $22, 忘記了), 食得出是先落油鑊炸熟, 才過火燒一燒......唔合格!6 燒 冬姑 (忘記了多少錢), 味道一般.7

原本諗全去倣雲峰食蠔，渣車經過醒起係or有食評介紹過好似都幾吸引，決定改變行程。企係門口睇下，唔收加1，門口有個阿姐sell，都幾好禮貌，就入內一試。一入門口‧‧‧煙霧霾漫，仲有啲醃眼添，抽風十分之有問題，第一個印象已經扣分。牆上貼滿某大集團旗下歌手藝人poster，又有該集團名經理人蘭花藍，唔知係咪有咩關係？諗緊好唔好走人之際，女主人已經奉上前菜同醬料，有生青瓜兩小條，生紅蘿蔔2小條，生椰菜一小舊。醬料有激辣醬，橙味醬，同沙律醬。激辣醬唔食，橙味醬配烤物唔識欣賞，沙律醬正常。睇一睇食咩，原來個前菜係要比錢，仲要係$8蚊一位，即係嗰幾條嘢就咁就收你$16蚊。呢啲焗你食嘅規矩，我淨係習慣係酒樓收酸菜錢遇到，呢啲小食舖頭，怒我接受唔到被屈$16蚊(咁我當收加1囉)，第二個印象又扣分。tick紙仔睇下有咩食，價錢其實偏貴，坐底咗都要食架。點咗燒大虎蝦，燒雞翼，燒牛脷，燒鱔，仲叫咗牛肉烏冬，諗住叫個飽肚啲唔駛咁貴嘛。出菜果然係比較慢，但係只有3枱客，其中一枱應該係老闆嘅朋友，另一枱係兩公婆，唔知如果坐滿客要等幾耐(if...坐得滿...)。首先嚟到嘅係牛肉烏冬$32，OMG!!!個碗細嘅程度可

屋企人生日見到飲食男女推介北帝街開左間新野食海鮮串燒好似幾特別咁..就落左去試去到唔洗等好耐就有位...環境都唔錯我地五個人叫左2隻斑馬瀨尿蝦...4隻虎蝦呢D海鮮斑馬瀨尿蝦真係好似雜誌所影咁有成條膏係到另外雞翼同牛脷大家真係要試試味道與出面一D日本餐廳相似相比起價錢都唔算貴不得不提佢4位以上送左隻龍蝦仔本來以為送既都唔方好得好邊點知食落又鮮又甜佢重有一個薯蓉貝殼粉都幾特別可能因為係星期日等候時間就耐左D但係都能夠體諒既等下好過佢地返熱俾客人啦如果同三五知己傾下計呢到都不失為一個好地方

今日屋企人話見到有間新既串燒店開張幾個人膽粗粗走左去試下一開頭成間舖個感覺都比人一個幾好既感覺店員反應都好快 , 埋到門口已經有人帶路可惜好景不常 , 當我地叫左第一張單之後既半個鐘先開始斷斷續續尼一兩碟 , 本身我地都好地地因為都幾多人 , 中間仲有幾單外賣但係咁都唔代表我地可以接受起菜既速度大家都係俾咁多錢 =.= 點解要等咁耐呢 ?其間 d 侍應仲要幾次上錯菜囉 , 好似遊緊雲咁問乜都話要 check 下 之後催佢地叫佢地睇下 d 野幾時出到點知個女既就向入面講左一句 "佢地叫左幾耐?"我想問咩叫 "佢地叫左幾耐" ? 咁係唔係唔耐就唔使理呢 ?因為串燒都係要尼小食下 , 我地之後都叫左碗面食點知呢 ! 依家佢地淨係串燒燒野慢啦 ! 連整碗面都慢過人唔催唔尼囉 ! 咩料啊 ? 叫左個 "豬骨烏冬" 點知出到尼變左 "豬骨濃湯烏冬"唔知係我會錯意定點 , 豬骨烏冬俾我既感覺點都會有少少肉為免日後又有客人誤意 我覺得應該加返濃湯兩個字上去囉加上成碗烏冬 , 兩下就食晒 , 咁岩我食果晚之前一晚食左一個烏冬個份量分分鐘連半包烏冬都唔夠 , 價錢都要 $2x~3x !?總括尼講 ..味道

北帝街新店源源不絕,繼滋味館之後,另一間新食店,是以港式串燒作主打的"蝦佬燒",此舖位之前是"阿頭潮食",本來生意很好,但突然結業,有點不解.與幾位同樣住在附近的朋友來試,四個人來有小龍蝦送.晚上宵夜時間,只得我們一檯食客.名字"蝦佬燒",顧名思義是用到各款蝦來作招徠.龍蝦之外,有馬尿蝦,虎蝦等等,其他海鮮方面,亦有活鮑魚.象拔蚌等等.每檯也奉上前菜,是生菜,蘿蔔條,青瓜條,用來點些沙律醬吃,來開一開胃.此店還未有酒牌,如果想喝酒的話,那就要自備.檯上有兩款醬汁,一邊是柚子汁,一邊是泰式辣汁.我們也是點一些在串燒店,比較大路之貨色,燒牛舌軟稔得來,肉質帶點爽口.值得一提,是此串燒店比較著重食物的原味,並不是一味下孜然粉來燒.另外的免治雞肉棒,雞肉混合了雞軟骨在內,軟中帶脆,肉質鬆軟又不是乾巴巴,非常討好.幸好不是賽馬日,吃著銀杏就不吉利也.燒銀杏煙齦鬆軟.燒冬菇恰到好處,還充滿水份.不過菇香不夠突出,可能是品種的問題.燒青椒烤得外層帶焦,食落鮮甜多汁.秘製燒羊架,沒有孜然粉襯托下,羊架味道顯得平平,用鹽燒是另一種態度,但是用在海鮮上的效果,比用在羊架身上更好.羊架的羊肉燒得較實,而且羊