Video
Read full review
2018-01-28
863 views
八沢 (沢：同澤，開業多時，但過往門前宣傳不多，令人為之卻步。假日落東大街覓食，發現餐廳宣傳落力咗唔少，更重要係見到menu，一於嚟個早到的團年(excuse)。八沢裝修盡顯創意、玩味。仿真魚cushion掛喺天花，猶如置身日本漁市場。牆身餐點推介呈拼圖造型，簡單但吸睛~聽朋友講八沢烏冬比拉麵出色，果然冇令我哋失望。鍾情彈牙烏冬嘅人一定係叫烏冬，過咗冷河嘅烏冬會收縮，自然較為黏韌。芥末果醋帶子冷烏冬較其他菜式簡樸，只以果醋醬油調味，唔花巧，簡單食材配搭更令人專注於食材真味。烏冬大過一個麵餅，加上四隻厚肉帶子，食到好飽。烏冬絕非一般貨色。未點醬汁，先試原味。新鮮嘅烏冬當然冇酸味，扁身烏冬濕潤滑溜，望落潔白透亮。冷食掛烏冬，沾上果醋汁，散發淡淡柚子香，酸溜溜好開胃。芥末混和醬汁感覺剛好唔刺鼻，調味恰到好處。採用原隻帶子，每隻都肉厚肥滿，曲奇餅咁大。只係輕輕灼過，仲未完全變白，幾有鮮味。溏心蛋整個蛋黃呈半液體狀態，質感綿密，蛋白亦係啱啱成形，仲好滑溜。不過蛋黃略嫌淡口，由於唔係味付玉子，選用更濃蛋黃香嘅雞蛋會更好。唔少人都推薦黑松露忌廉海鮮烏冬。黑松露落得好重手，味道香濃。忌廉湯底奶白，但冇
八沢裝修盡顯創意、玩味。仿真魚cushion掛喺天花，猶如置身日本漁市場。
牆身餐點推介呈拼圖造型，簡單但吸睛~聽朋友講八沢烏冬比拉麵出色，果然冇令我哋失望。
芥末果醋帶子冷烏冬
$78
33 views
0 likes
0 comments
烏冬大過一個麵餅，加上四隻厚肉帶子，食到好飽。
烏冬絕非一般貨色。未點醬汁，先試原味。新鮮嘅烏冬當然冇酸味，扁身烏冬濕潤滑溜，望落潔白透亮。冷食掛烏冬，沾上果醋汁，散發淡淡柚子香，酸溜溜好開胃。芥末混和醬汁感覺剛好唔刺鼻，調味恰到好處。
採用原隻帶子，每隻都肉厚肥滿，曲奇餅咁大。只係輕輕灼過，仲未完全變白，幾有鮮味。
溏心蛋
12 views
0 likes
0 comments
唔少人都推薦黑松露忌廉海鮮烏冬。
黑松露忌廉海鮮烏冬
$88
18 views
0 likes
0 comments
忌廉湯底奶白，但冇想像中咁漏，因為主要係淡忌廉，冇落太多牛油。
三文魚塊好厚好香，但煮得熟咗啲，唔夠滑。
忌廉烏冬嘅帶子全熟，比起掛烏冬嘅半熟帶子易咬、爽口。忌廉湯本身夠香濃，所以帶子自然質感比原味重要。廚師連帶子生熟度都顧及到，幾細心~
好少聽人提及八沢嘅串燒。其實都做得唔錯~
黑豚生蠔燒
$68
19 views
1 likes
0 comments
豬肉片燒至滲出油脂，邊邊位脆口。
串燒嘅調味唔多，味道來自中間多汁肉厚嘅生蠔。比起一味用照燒汁嘅串燒，我更鍾意呢種配搭。
明太子雞翼
$38
18 views
0 likes
0 comments
明太子雞翼將雞中翼部分拆骨，釀入明太子，封口再炸至金黃。
雞翼炸後依然嫰滑，明太子事先拌入葱花，但炸後明太子比較乾身。如果雞翼調味淡啲，突出返餡料味道，就更好喇~
最後推薦呢杯蜜柑啤酒，$38 250mL，價錢公道。
麒麟蜜柑生啤 (250ml)
$38
35 views
0 likes
0 comments
我唔係飲開酒嘅人，亦唔算愛酒，一味追求醉意就唔啱我喇，但係每次見到特別口味嘅啤酒都會心動。
啤酒開頭飲嘅時候覺得唔係幾苦，飲落舒服，但有欠蜜柑味。正當飲到一半，肚漲漲打算放棄嘅時候，口中含住嘅一啖酒竟然慢慢滲出蜜柑酸甜味，唔假、唔漏，唔係糖水味！原來蜜柑糖漿沉晒底...大家切記要問店員拎長匙羮攪勻先好飲。如果一早知道，啤酒甘味配淡淡蜜柑香一定更正！
成餐飯食得幾開心，店員有禮而且細節位就得唔錯。餐牌循環再用，食串燒時店員又會收走湯碗，比隻新碗仔我哋盛住串燒。
服務貼心，貼士樽可能唔係擺設嚟架~
Post
