翠蓮素食

Open Now

Now Closed

星期三同媽子去荃灣驗耳，順便去逛吓街街。5點幾有啲肚餓，响眾安街行行吓，經過買過中秋素月餅的齋舖，不如清清地食啲嘢，當提早食個晚餐。以前寶蓮年代來食過一、二次，久未再臨，坐下見好像新裝修過，比以前光猛，看餐牌才發現改了名...(汗)媽子話唔肚餓，2個人選擇較少，所以叫咗個小菜，再加一碟齋滷味。齋滷味，食食吓先影相...叉燒口感腍軟，食味可以喇，酸齋正常、咖哩齋好味唔咸，可惜沒吃到齋鴨腎......宮寶聚雀巢碟餸顏色幾sharp，巢內有西芹、青椒、紅椒、素雞，最驚喜係有新鮮草菇，而家好少食到了，成個餸少少辣，好新鮮，好健康，好好食啊！外層雀巢有兩片，上面黃色下午粉紅色，無食到所以唔知咩味。