霸嗎拉麵 (金巴利道)

Open Now

Now Closed

今日約左媽媽去尖沙咀食野行街，點知搭巴士在彌敦塞左勁耐，出到尖沙咀都已經3點了，好肚餓，立即去找東西吃。來到位於金巴利道的霸嗎拉麵，門口有數人等位，都係遊客居多，但流量好快，等左一陣就入得啦。枱上已放有一壺冰凍的檸檬水，非常好的安排。店員為我們推介店內最新推出的限定品特濃魚介魚乾豚骨拉麵，所以媽媽就揀左依個，媽媽話一碗有十多隻日本魚乾，份量算多，而魚乾都非常香脆可口，亦能帶出濃香的鮮魚介湯味，再配合入味竹笋，香葱花，媽媽表示好特別，還不錯。而我就揀左最普通的炙燒豚肉拉麵，對我黎講，最好係可以自行選擇麵質硬度，湯底油份，加減配料，所以我可以揀「走蔥」~ 豚肉非常厚，炙燒過後有濃香燒烤味，感覺不是太肥膩，而是肉質軟，易咬，有少少入口就溶的感覺，配合濃郁的湯底，難怪吸引咁多遊客來試。