阿爺八鮮鍋 (Closed)

最鍾意食海鮮🦞同打邊爐🍲嘅朋友約食飯。佢地見「阿爺八鮮鍋」有齊2樣就最啱佢地啦。😌我地3個👩‍👩‍👦早2星期前已經訂位，大家都好期待呢一餐。因為之前第5波疫情關係，大家都有大半年冇見過面。🥹點知，去到火鍋店，店員安排我地入房，同其他5個人搭一張大圓檯。😳中間加塊板隔開咗就當2個爐、2枱人咁食。🤨我地3個人覺得好尷尬🥲，同埋我地咁難得約到見面，都會想傾住近況咁食。😞而家要平排坐3個位對住個爐就唔係太想。🤥加上我地坐咗15分鐘都冇人理過我地，即使我地有問過其他店員，亦依然冇比過餐牌我地。😐以致我地更加想離開。正當我地走到門口之際，店員安排到一張4人枱比我地坐。☺️店員幫我地落單，要(芝士/麻辣)雞煲、火鍋🍲湯底後就開始介紹追加部分。講到有$88任食象拔蚌刺身，鍾意食海鮮嘅我地梗係要加埋。😉不過店員話要一早嗌夠食夠，上咗火鍋湯底就唔可以再叫刺身。😒但每碟都比前一碟少，當我地叫到第5碟嘅時候，我地足足等咗15-20分鐘都未有🧐，而且店員態度一般+唔耐煩😕，話太多單，廚房做唔切。😣總括而言，呢間火鍋店🍲食物質素幾好。鮑魚、龍蝦🦞上到枱仲係識郁嘅。但服務同安排認真麻麻。😐