Candy Shake (Closed)

下午茶時間，係旺角想食少少野又唔想企係條街度食咁肉酸，於是黎openrice 望下，搵到呢間人氣小食店。既然身處附近，唔洗諗即去啦！店舖裝潢走型格路線，灰色做底色，牆壁懸掛住色彩繽紛嘅糖果，見到都好開心原來呢度出名將奶昔加入糖果元素，所以叫做"Candy Shake"! 揀左麥提莎奶昔，朱古力味香濃，最搞鬼係又真係食得出麥提莎味喎！過隱！另外叫左個拉絲芝士多士拼盤，有腰肉露筍、露筍芝士、車打芝士腸、黑松露四款各一件，多士焗得金黃香脆，配上拉得到絲的芝士芝士迷嘅我真係好buy! 我自己覺得露筍最夾！見到撻類都好似好正！不過個肚已無位攝，留待下次再試啦！