Video
Read full review
2024-12-23
114 views
🤣上年差啲食唔到聖誕晚餐，今年吸取教訓提早一個星期BOOK定聖誕餐。未到餐廳門口前，我哋要行過一條好有特色嘅樓梯，上面寫住 "Listen HUMAN, There is NO Elevator To the Hell, You have to take the STAIRS." 咁搞鬼嘅Slogan，加埋兩邊復古風格嘅畫同電影海報，真係好有趣！🤩 餐廳入面一樣花多眼亂，充滿唔同文化。每一枱都係一個驚喜，有一隻chewy同一棵聖誕樹一齊，而紙巾上有孖潤腸朝偉個樣，杯上又係牛奶妹個樣。每一處都係一個驚喜，每一眼都係新發現。🍽️ 復古聖誕二人晚餐法式龍蝦湯：湯底香濃，真係有龍蝦肉，味道鮮美。每啖都充滿龍蝦嘅味道，暖笠笠。🍲🦞煙三文魚雜果沙律：煙三文魚花擺盤精緻，色彩繽紛。生果都唔少。🥗🐟香煎澳洲盲曹配柚子忌廉汁：盲曹肉質滑嫩，最正係配埋柚子忌廉汁，柚子忌廉清新香味同魚肉好夾。🐟🍊美國牛板腱扒配香草燒汁：牛板腱扒肉質結實，唔會乾柴。薯蓉好好味。🥩🌿熱肉桂薑餅拿鐵：意外地好味，上面仲有一條肉桂棒同一塊薑餅。平時唔太鐘意肉桂同薑餅，但呢杯真係出乎意料好味。兩者混合嘅香味相互輝映，甜而不膩。比一般咖
🍽️ 復古聖誕二人晚餐
法式龍蝦湯：湯底香濃，真係有龍蝦肉，味道鮮美。每啖都充滿龍蝦嘅味道，暖笠笠。🍲🦞
煙三文魚雜果沙律：煙三文魚花擺盤精緻，色彩繽紛。生果都唔少。🥗🐟
香煎澳洲盲曹配柚子忌廉汁：盲曹肉質滑嫩，最正係配埋柚子忌廉汁，柚子忌廉清新香味同魚肉好夾。🐟🍊
美國牛板腱扒配香草燒汁：牛板腱扒肉質結實，唔會乾柴。薯蓉好好味。🥩🌿
熱肉桂薑餅拿鐵：意外地好味，上面仲有一條肉桂棒同一塊薑餅。平時唔太鐘意肉桂同薑餅，但呢杯真係出乎意料好味。兩者混合嘅香味相互輝映，甜而不膩。比一般咖啡店嘅肉桂薑餅味更勝一籌。加上得意嘅公仔樣金屬杯，真係唔少儀式感之餘仲好搞鬼。☕️🎄
薄荷朱古力Oreo抹茶沙冰：入口清爽嘅薄荷朱古力味，隨後就係抹茶沈穩嘅茶香加上粒粒Oreo碎，層次分明，口感豐富。🍫🍵
開心果巴斯克芝士蛋糕：全晚最大亮點！結合巴斯克芝士蛋糕嘅外硬內軟口感，再配上開心果嘅甜香。芝士綿密順滑，入口即化，開心果香濃郁，仲有開心果碎，可以食多兩個！🍰🥜
整體十分滿意，講起聖誕晚餐應該會即刻諗起ZIPZIP🎄✨
Post
