Video
Read full review
2010-10-18
52 views
呢間酒樓個位唔係咁突出, 都係經朋友介紹先知呢到有間酒樓。星期日既早上都好冷清, 我地6 人安排左嚮個角位到, 無咩人出出入入, 好寧靜, 幾好。呢到唔算貴, 茶芥8蚊位, 小點$9.9, 中點12.8, 大點$15.8, 特點$18.8。呢到d 野食應該係即叫即蒸嫁, 因為我地落左order，等左起碼15分鍾先有野上台, 熱la la 嫁~正。我地叫左好多點心呀, 逐樣介紹下:1) 牛肉腸, 夠熱, 夠滑, 料夠多, 好味。2) 頂級流沙包, 真係好流, 一咬, d 汁已經標出黎, 好熱, 燙口, 所以大家食個陣要小心。3) 蜆芥鯪魚球, 好似小丸子一樣, 新鮮炸起, 正! 4) 古法馬拉糕, 係深啡色嫁, 係我至愛呀, 蒸得唔濕, 好軟熟, 值得我地再encore。5) 炒伊麵, 炒得唔多油, 有海參同蝦子, 感覺高級, 好睇好食。6) 小籠包, 算係失色的一樣, 皮厚, 唔多汁, 可以唔食。7) 粟米餃, 類似素菜餃, 有粟米粒,冬姑粒, 岩素食者。8) 上湯鮮竹卷, 普通啦, 但d 湯好好飲, 平時我食呢個點心係唔會飲佢d 湯, 今次忍唔住呀, 係魚湯, 好味。9) 仲有担担麵
呢間酒樓個位唔係咁突出, 都係經朋友介紹先知呢到有間酒樓。星期日既早上都好冷清, 我地6 人安排左嚮個角位到, 無咩人出出入入, 好寧靜, 幾好。
呢到唔算貴, 茶芥8蚊位, 小點$9.9, 中點12.8, 大點$15.8, 特點$18.8。
呢到d 野食應該係即叫即蒸嫁, 因為我地落左order，等左起碼15分鍾先有野上台, 熱la la 嫁~正。
我地叫左好多點心呀, 逐樣介紹下:
1) 牛肉腸, 夠熱, 夠滑, 料夠多, 好味。
2) 頂級流沙包, 真係好流, 一咬, d 汁已經標出黎, 好熱, 燙口, 所以大家食個陣要小心。
3) 蜆芥鯪魚球, 好似小丸子一樣, 新鮮炸起, 正!
4) 古法馬拉糕, 係深啡色嫁, 係我至愛呀, 蒸得唔濕, 好軟熟, 值得我地再encore。
5) 炒伊麵, 炒得唔多油, 有海參同蝦子, 感覺高級, 好睇好食。
6) 小籠包, 算係失色的一樣, 皮厚, 唔多汁, 可以唔食。
7) 粟米餃, 類似素菜餃, 有粟米粒,冬姑粒, 岩素食者。
8) 上湯鮮竹卷, 普通啦, 但d 湯好好飲, 平時我食呢個點心係唔會飲佢d 湯, 今次忍唔住呀, 係魚湯, 好味。
9) 仲有担担麵嫁, 但唔得囉, 唔係平時上海舖個d , 係生麵黎嫁咋, 上面舖左d 肉絲, 辣辣地, 只可以叫肉絲生麵, 不是担担麵。
10) 口水雞, d 味就太濃, 唔得。
6人最後埋單$38x, ok啦, 唔太貴, 但呢到環境比較靜, 比較闊落, 我鍾意。
Post
