Video
Read full review
2011-06-16
767 views
妹妹話呢間稻香打邊爐又抵又好食,近阿妹放工行幾步就到,所以選扯呢度,原本想打邊爐,但因有BB,所以還是選小菜食, 咁就開始我地o既慶祝父親節搵笨實難食之旅啦!!先講個女待應, 都未齊人就猛咁sell我食呢個set 好抵,免茶介同加一,仲送啤酒同果汁先生一渣, 我話等齊人先, 過左幾分鐘又行埋o黎同我sell呢個sat好多人食,真係好抵食o架,我都明做待應係要向客人推介的, 但每個待應都行埋o黎sell就變左好煩囉, 齊人啦 (5大1bb), 媽媽就話唔好煩啦, 散叫都係差唔多, 就呢個set 啦,咁佢又想食龍蝦, 所以順利成章要左呢個龍蝦set 半席啦 ($988)!!上湯波士頓龍蝦伊麵 - 名不付實, 得半隻龍蝦, 殼多肉少, 龍蝦無味, 伊麵勁多, 上湯味咸乳豬拼盤-有乳豬皮5件(香脆), 义燒6件 (瘦而柴口), 鼓油雞(雞胸位共6件,冰鮮雞冇味肉霉), 海折 (一般), 燒鴨(肶位,味道可以)碧綠抄蚌肉-明明菜單係碧綠抄星斑球,唔明點解會冇左星斑,但又冇通知我地改左蚌肉,但算啦, 菜芯老到死, 蚌肉淡而冇味, un到食唔到,抄到過晒火.黃金海鮮卷-ok"足"笙燴鮑參-一個勁多獻
先講個女待應, 都未齊人就猛咁sell我食呢個set 好抵,免茶介同加一,仲送啤酒同果汁先生一渣, 我話等齊人先, 過左幾分鐘又行埋o黎同我sell呢個sat好多人食,真係好抵食o架,我都明做待應係要向客人推介的, 但每個待應都行埋o黎sell就變左好煩囉, 齊人啦 (5大1bb), 媽媽就話唔好煩啦, 散叫都係差唔多, 就呢個set 啦,咁佢又想食龍蝦, 所以順利成章要左呢個龍蝦set 半席啦 ($988)!!
上湯波士頓龍蝦伊麵 - 名不付實, 得半隻龍蝦, 殼多肉少, 龍蝦無味, 伊麵勁多, 上湯味咸
乳豬拼盤-有乳豬皮5件(香脆), 义燒6件 (瘦而柴口), 鼓油雞(雞胸位共6件,冰鮮雞冇味肉霉), 海折 (一般), 燒鴨(肶位,味道可以)
碧綠抄蚌肉-明明菜單係碧綠抄星斑球,唔明點解會冇左星斑,但又冇通知我地改左蚌肉,但算啦, 菜芯老到死, 蚌肉淡而冇味, un到食唔到,抄到過晒火.
黃金海鮮卷-ok
"足"笙燴鮑參-一個勁多獻的湯羹, 唔好食, 唔足料
醬燒星斑腩-扲到埋枱我地以為佢又改菜單,點解咁多火腩,但又唔見斑腩喎, 幾經辛苦先搵到幾嚿斑腩骨咋,菜芯又老,見到都唔想掂呀!
花甲泡翡翠-搵晒成碟都冇花甲, 但急凍蜆肉仔就好多, 個餸上到枱勁"sam", 正因為o的急凍蜆肉的sam 味, 有菜芯, 唔使我講到知又係老到死, 新鮮冬菇仔切片, 雞肶菇切片, 整個餸味道淡而無味兼"sam"
脆皮醬燒鴨-上枱的竟是吊燒雞,又係冇人通知我地改了雞(都是半隻),但又算,因為已經冇期望會有驚喜, 都是冰鮮雞, 預計了無味同肉霉.
瑤柱旦白抄飯-今次有人肯同我地交代冇晒飄香荷葉飯啦, 瑤柱旦白抄飯, 求其啦,我地只求快o的鬆人, 個飯都係冇期望, 個抄飯硬到食左落肚都會胃痛呀
總括 : 我家已將此間稻香列入black list,永無下次
Post
