Video
Read full review
2008-04-11
168 views
想講個搵笨實錄比大家知，等唔好再有人上當！ 我地一行７人，響上個星期日去左西貢東丫村ge海膽養殖場(天后廟隔離)，一心諗住食新鮮海膽剌身，點知．．．．． 下晝兩點幾到，唔算多客，問個伙計十樣野，九樣唔知，不過都有禮貌ge，佢叫左一個應該係廚師ge物體出黎介紹菜式，佢話天氣熱，食海膽剌身唔適合喎，叫我地用黎炒飯或者蒸蛋啦！再睇睇個餐牌，得好少野揀，佢就介紹我地食套餐，不過又一定要10人份量（佢每個人頭計，得$160 / $188 / $230揀），我地得７個人，點叫呀？！玩野咩．．．咪散叫囉，惡夢就咁開始喇．．． 我地order左：１）白灼跳螺２）白切雞半隻３）椒鹽鮮魷４）蒜泥白菜５）揚州炒飯６）蒸石蚌一條７）清蒸盲蟹（呢款係伙計推介招牌菜）８）海膽蒸蛋 好，續一評價比大家知！ １）白灼跳螺 （好細隻，一睇就知係BB，好細碟，BB都食，唔怪得買少見少啦．．．$100）２）白切雞半隻（隻雞應該骨折而死，碎濕濕，ｄ肉梅架．．．$100)３）椒鹽鮮魷 （成碟野竟然無一塊鮮魷肉，全部都係魷魚蘇碎．．．$80）４）蒜泥白菜 （ｄ菜老過邵爵士，黃晒有渣，好似菜檔掉出黎果ｄ咁．．．$40)５）揚州炒飯
我地一行７人，響上個星期日去左西貢東丫村ge海膽養殖場(天后廟隔離)，一心諗住食新鮮海膽剌身，點知．．．．．
下晝兩點幾到，唔算多客，問個伙計十樣野，九樣唔知，不過都有禮貌ge，佢叫左一個應該係廚師ge物體出黎介紹菜式，佢話天氣熱，食海膽剌身唔適合喎，叫我地用黎炒飯或者蒸蛋啦！再睇睇個餐牌，得好少野揀，佢就介紹我地食套餐，不過又一定要10人份量（佢每個人頭計，得$160 / $188 / $230揀），我地得７個人，點叫呀？！玩野咩．．．咪散叫囉，惡夢就咁開始喇．．．
我地order左：
１）白灼跳螺
２）白切雞半隻
３）椒鹽鮮魷
４）蒜泥白菜
５）揚州炒飯
６）蒸石蚌一條
７）清蒸盲蟹（呢款係伙計推介招牌菜）
８）海膽蒸蛋
好，續一評價比大家知！
１）白灼跳螺 （好細隻，一睇就知係BB，好細碟，BB都食，唔怪得買少見少啦．．．$100）
２）白切雞半隻（隻雞應該骨折而死，碎濕濕，ｄ肉梅架．．．$100)
３）椒鹽鮮魷 （成碟野竟然無一塊鮮魷肉，全部都係魷魚蘇碎．．．$80）
４）蒜泥白菜 （ｄ菜老過邵爵士，黃晒有渣，好似菜檔掉出黎果ｄ咁．．．$40)
５）揚州炒飯 （個樣似ok，不過一食，ｄ飯好硬，有胃病人任勿試．．．$40)
６）蒸石蚌一條（海鮮檔，居然蒸魚唔熟，不知所謂．．．$150)
７）清蒸盲蟹 （伙計推介招牌菜，上枱果陣真係想講粗口，竟然有咁細的蟹，可以用匙羹載住，勁離譜！個伙計放低的時候，好明顯露出尷尬神色，但仲要死撐話ｄ蟹腳好好肉架．．．嘩，大家當堂O晒咀啦．．．$80）
８）海膽蒸蛋 （貴到無倫，痴線．．．$180)
原本開開心心，高高興興，諗住行完山食海鮮，貴就預左，但無諗過咁唔抵食，直頭騙案一宗！
奉勸各方友好，切勿幫襯西貢東丫村ge海膽養殖場，咁做生意法，不知所謂！！！
Post
