Video
Read full review
2015-12-22
415 views
今日假期超級多人呢，人頭擁擁，間間爆滿，見到城記有個位就即刻坐低喇，食完又趕住買餸開 party。嘩！城記包左三份一場，魚蛋粉、燒味、茶記、點心、蒸飯、等等，勁呀！唔知係街舖其他食市係咪佢架呢？花多眼亂，左睇右睇，好采我唔係憂悠寡斷既男人啫，直覺話我知要食出前一丁先 ﹗跟住直覺話我知之後輪到潮州粉麵喇 ﹗對面位小妹妹仲咩係咁望住我喎，人家會面紅怕醜架麻，您唔適合我架呢。妹妹您望得我咁實，係咪想食我碗魚蛋牛腩撈粗呀？唔好食架喎，麻麻地。單身良伴離不開即食麵就杯麵架啦，仲會咁好興致花長時間揀咩，最緊要快靚正。請問火腿奄烈可以轉太陽蛋嗎？唔可以？道理何在呀？依位大陸阿嬸，火腿奄烈唔可以轉太陽蛋？離晒譜架，咁我加錢要多隻太陽蛋得唔得呀 ﹗見您服務態度好又有禮貌，算數唔同您計較。沙嗲牛肉腸仔出前一丁跟火腿奄烈走包，仲搭左幾片爽甜生菜喎。自家鮮牛黎喎，唔係罐頭貨，非常難得，讚 ﹗牛味濃又有咬口，不鞋不硬，仲有淡淡沙嗲甜味，不濃不嗆。腸仔係扒爐辣左野再烚，腸皮微燶香口，係靚腸不是怪味腸，good ！火腿奄烈睇落成塊紙皮咁，好可怕 ﹗硬著頭皮塞入口試試啦，既然黎到都食左先講啦。嘩，食落裡面好 juic
嘩！城記包左三份一場，魚蛋粉、燒味、茶記、點心、蒸飯、等等，勁呀！唔知係街舖其他食市係咪佢架呢？花多眼亂，左睇右睇，好采我唔係憂悠寡斷既男人啫，直覺話我知要食出前一丁先 ﹗跟住直覺話我知之後輪到潮州粉麵喇 ﹗
對面位小妹妹仲咩係咁望住我喎，人家會面紅怕醜架麻，您唔適合我架呢。妹妹您望得我咁實，係咪想食我碗魚蛋牛腩撈粗呀？唔好食架喎，麻麻地。
單身良伴離不開即食麵就杯麵架啦，仲會咁好興致花長時間揀咩，最緊要快靚正。請問火腿奄烈可以轉太陽蛋嗎？唔可以？道理何在呀？依位大陸阿嬸，火腿奄烈唔可以轉太陽蛋？離晒譜架，咁我加錢要多隻太陽蛋得唔得呀 ﹗見您服務態度好又有禮貌，算數唔同您計較。
沙嗲牛肉腸仔出前一丁跟火腿奄烈走包，仲搭左幾片爽甜生菜喎。自家鮮牛黎喎，唔係罐頭貨，非常難得，讚 ﹗牛味濃又有咬口，不鞋不硬，仲有淡淡沙嗲甜味，不濃不嗆。腸仔係扒爐辣左野再烚，腸皮微燶香口，係靚腸不是怪味腸，good ！
火腿奄烈睇落成塊紙皮咁，好可怕 ﹗硬著頭皮塞入口試試啦，既然黎到都食左先講啦。嘩，食落裡面好 juicy 仲滑滑添，火腿咸香好好味，係外皮老左一點點囉，不過好重微波爐味呢。
辣椒油好很辣啊 ﹗連我咁食得辣都飈晒汗，咩牌子黎架？有陣好熟悉既味道，但諗唔起，辣菜甫？夠香夠辣夠刺激，正。大大篤撈埋爽口麵條一齊食，滿足了 ﹗不過腍麵條掛湯力好，啖啖湯汁，合格。
煎雞扒，食完碗沙嗲牛肉腸仔出前一丁都唔多夠飽，黎多件雞扒先得。係就係熱辣辣，軟棉滑溜，雞扒原味唔錯，但我對偏甜照燒醬麻麻，要用湯洗走先食，但感覺都係十分十分微波爐翻熱，因為無生命、無香味、死屍一樣。
魚蛋牛腩撈粗走蔥，白雪魚蛋微彈，不過魚味十分淡，清湯都好淡口呢。牛腩乾鞋唔多掂，滷水味單調，只咸不清香，連伴碟既菜芯都草青味重，爽甜欠棒。粗麵偏濕，無隔乾水，好采無過腍啫，微彈都仲有蛋香，滿意。
辣椒油勁辣，咩料呀？辣到我都頂唔順，爽呀。可能 hangover 未醒，味蕾有唔妥，仲醉緊。無咸豉油供應？得樽蒸飯甜豉油，同辣椒油撞埋有苦澀味呢！
魚蛋牛腩撈粗走蔥
17 views
0 likes
0 comments
魚蛋牛腩撈粗走蔥
22 views
0 likes
0 comments
魚蛋牛腩撈粗走蔥
29 views
0 likes
0 comments
沙嗲牛肉腸仔出前一丁跟火腿奄烈走包
12 views
1 likes
0 comments
沙嗲牛肉腸仔出前一丁跟火腿奄烈走包
12 views
1 likes
0 comments
沙嗲牛肉腸仔出前一丁跟火腿奄烈走包
19 views
0 likes
0 comments
煎雞扒
21 views
1 likes
0 comments
Post
