Video
Read full review
2022-08-17
521 views
呢間酒吧餐廳有型有格，一入到去就好似入咗去第二個世界咁。落地大玻璃再加埋拱形LED燈飾，設計好摩登,格調十足。加上佢樓底超高，感覺好開陽，俾人舒服嘅感覺。今日平日只有一個bartender同埋廚師，但係服務質素依然好好，食物更加超乎想像地好食。菜單方面選擇比較多，小食方面，有我最鍾意嘅墨西哥菜。 仲有一啲簡單嘅送酒小食，例如洋蔥圈雞翼炸魷魚等等。酒精飲品方面更加目不暇接，有酒精同埋有酒精飲品，好鍾意佢呢度嘅雞尾酒全部都加左茶嘅元素，好有創意又有心思。我見香莓茉莉好吸引於是就揀咗。主菜方面我哋叫咗蒜蓉大蝦明太子意粉，同埋比目魚帶子香草意粉，價錢方面雖然睇落偏貴，但係份量超大，而且超足料，其實真係幾實惠㗎。墨西哥玉米脆片（$88）前菜就已經開始有驚喜，墨西哥玉米脆片就咁聽落好似冇咩特別，但係其實超多餡料，裏面有guacamole 即係牛油果同蕃茄粒，仲有我最鍾意食嘅黑檻欖，上面仲有層超邪惡嘅車打芝士。啲蔬菜超新鮮，好開胃而且份量好大份。仲有個莎莎醬，超好食，係新鮮嘅蕃茄辣椒醬嚟（唔係好辣）蒜香大蝦帶子明太子意粉（$158）尼到就已經聞到香噴噴，有香濃嘅蒜香海鮮味道。賣相吸引，一隻大蝦有一隻
菜單方面選擇比較多，小食方面，有我最鍾意嘅墨西哥菜。 仲有一啲簡單嘅送酒小食，例如洋蔥圈雞翼炸魷魚等等。酒精飲品方面更加目不暇接，有酒精同埋有酒精飲品，好鍾意佢呢度嘅雞尾酒全部都加左茶嘅元素，好有創意又有心思。我見香莓茉莉好吸引於是就揀咗。主菜方面我哋叫咗蒜蓉大蝦明太子意粉，同埋比目魚帶子香草意粉，價錢方面雖然睇落偏貴，但係份量超大，而且超足料，其實真係幾實惠㗎。
墨西哥玉米脆片（$88）
比目魚帶子香草意粉
$88
17 views
0 likes
0 comments
前菜就已經開始有驚喜，墨西哥玉米脆片就咁聽落好似冇咩特別，但係其實超多餡料，裏面有guacamole 即係牛油果同蕃茄粒，仲有我最鍾意食嘅黑檻欖，上面仲有層超邪惡嘅車打芝士。啲蔬菜超新鮮，好開胃而且份量好大份。仲有個莎莎醬，超好食，係新鮮嘅蕃茄辣椒醬嚟（唔係好辣）
蒜香大蝦帶子明太子意粉（$158）
尼到就已經聞到香噴噴，有香濃嘅蒜香海鮮味道。賣相吸引，一隻大蝦有一隻手咁大，而且意粉香濃多汁，有好creamy 嘅忌廉同蒜香味道， 仲有三文魚子喺裏面添， 平時啲舖頭可能淨係加蟹柳。味道方面要比五星而且份量十足，就咁食呢個意粉就已經飽咗。而且帶子亦好彈牙，好滿足。
比目魚帶子香草意粉（$138）
其實講真果句，我覺得明太子意粉同香草意粉一樣味道。因為呢一碟又係超重嘅忌廉同埋蒜香味道，令我懷疑其實係咪一齊煮😂不過都唔介意，因為真係好惹味。呢啲菜式一樣有驚喜，比目魚
煎得超香，而且煮得恰到好處，肉身稔得來又非常嫩滑，食得出廚師既一絲不苟，同埋食材嘅鮮味。食到最後真係忍唔住俾咗師傅一個心心， 我之前覺得佢嘅廚藝可以拍得上Gordon Ramsey.
整體嚟講今餐真係好滿意，一個伏位都冇。坐得舒服，而且價錢實惠，仲有好好飲嘅雞尾酒，希望之後有機會再嚟幫襯啦
香莓茉莉
5 views
0 likes
0 comments
Post
