20•越南粉

Open Now

Now Closed

唔知大家鍾唔鍾意食越南餐廳，我個人就好鍾意啦，因為越南撈檬酸酸甜甜，非常之開胃，令人食完一啖又一啖。 依間20•越南粉 嘅河內燒豬肉撈檬，就完美達到咗我對撈嘅要求，佢嘅汁酸酸甜甜，唔會太過強烈，食落啱啱好。佢配搭嘅豬肉甜甜地以外咁嘅又幾好食，不過要留意嘅呢一碗嘅份量比較大。我仲叫咗佢哋嘅越南河，牛腩拼生牛肉湯河，味道清甜。另外我仲叫咗個雞肉串燒，雞肉唔會燒得太乾，再點埋醬汁嚟食，意外咁又唔錯。仲有最令人驚喜嘅係，佢居然有牛油果沙冰，作為一個牛油果控，真係覺得好幸福，另外個芒果沙冰都好好味，甜甜地好容易入口。