Video
Read full review
2013-02-28
544 views
新正頭又撞岩友人生日飯，搵d好意頭既野食，一行12人去翠園食一圍o既"撈起"撈喜宴。七點半準時到達，被安排o既位置係內堂，行入去條路好迂迴。漸行近我地張檯就發現越嘈吵，原來隔離有公司包左四圍食春茗飯 嘈到我地都傾唔到計所謂既"撈起"宴，其實同平時食一圍圍中菜冇咩分別，只係個頭盤轉左做 "三文魚撈起"。集團有印製leaflet，介紹"撈起"既步驟。原以為要我地自己落手落腳整，仲叫壽星仔study下點整。好在侍應會幫我地做哂所有野，邊做邊講吉利說話，我地只係負責"撈起"。12個人起哂身，12對筷子一齊撈，都幾好笑。味道酸酸甜甜，咁多唔同材料加埋，都幾有咬口。唯獨係個橙皮，超級甜，食左一舊就全數棄置。其他菜式有：1) 醬燒琵琶金豬：大概係半隻度，皮脆，但冇咩肉，好肥。連平時極喜愛食肥膩野既朋友仔都唔食。2) 油泡鮮蝦仁：蝦大隻，新鮮。3) 油泡螺片一品盒：髮菜、螺片，鵝掌、鮑魚、生菜底，大路新春菜式，不過不失。4) 蟹黃雞茸燴燕窩：味道淡，燕窩份量有二湯匙滿。5) 鮮冬菇扒翡翠蔬：冬菇好大隻，差不多有手掌心咁大。6) 清蒸沙巴龍躉：條魚好大條，但蒸得耐左少少，肉有d鞋。7) 一品脆燒雞：雞
七點半準時到達，被安排o既位置係內堂，行入去條路好迂迴。
漸行近我地張檯就發現越嘈吵，原來隔離有公司包左四圍食春茗飯 嘈到我地都傾唔到計
所謂既"撈起"宴，其實同平時食一圍圍中菜冇咩分別，只係個頭盤轉左做 "三文魚撈起"。
集團有印製leaflet，介紹"撈起"既步驟。原以為要我地自己落手落腳整，仲叫壽星仔study下點整。好在侍應會幫我地做哂所有野，邊做邊講吉利說話，我地只係負責"撈起"。
12個人起哂身，12對筷子一齊撈，都幾好笑。
味道酸酸甜甜，咁多唔同材料加埋，都幾有咬口。唯獨係個橙皮，超級甜，食左一舊就全數棄置。其他菜式有：
1) 醬燒琵琶金豬：大概係半隻度，皮脆，但冇咩肉，好肥。連平時極喜愛食肥膩野既朋友仔都唔食。
2) 油泡鮮蝦仁：蝦大隻，新鮮。
3) 油泡螺片一品盒：髮菜、螺片，鵝掌、鮑魚、生菜底，大路新春菜式，不過不失。
4) 蟹黃雞茸燴燕窩：味道淡，燕窩份量有二湯匙滿。
5) 鮮冬菇扒翡翠蔬：冬菇好大隻，差不多有手掌心咁大。
6) 清蒸沙巴龍躉：條魚好大條，但蒸得耐左少少，肉有d鞋。
7) 一品脆燒雞：雞肉嫩滑、脆皮。
8) 糯米飯：幾有咬口，但冇咩材料。
9) 湯圓南瓜露：好香南瓜味，湯圓唔夠煙un，唔夠熱。
基本上大家食完燕窩都飽飽地，結果又食又拎
套餐原價$3,980，用中銀信用卡有85折。每人約$310埋單，都算抵食。
食完呢餐，希望我地成班朋友今年撈到風生水起！
Post
