蟹仙華舫

Open Now

Now Closed

今日約咗朋友去鯉魚門食海鮮，見到碼頭新開左間蒸海鮮餐廳，價錢合理，我哋就入咗去食。餐廳環境有一大片玻璃窗，一望出去就係美麗嘅海景，環境一流，餐廳仲有個後門俾你走出個天台，天台擺滿好多枱凳，俾你可以坐喺度慢慢欣賞海景。我哋去到嗰陣時，差不多日落，雖然今日有驟雨，天空都幾多雲，見唔到日落，但仍然見到晚霞，天空漸漸變成橙紅色，而家已經好靚，如果好天，應該見到日落，應該靚到不得了。我哋叫咗個一個海鮮套餐，海鮮包括膏蟹、石斑、龍蝦、鮑魚、大赤蝦、青口、白刀背、翡翠螺、珍珠蠔及蔬菜籃，海鮮都很新鮮啦，非常之鮮甜，令人食不停口，而蒸海鮮嘅同時，下面有個粥底，吸收晒海鮮嘅精華，加埋粥底有粟米同芋頭等，非常之美味鮮甜。整個餐非常之豐富，而且看住呢個美景，和朋友傾住計，嘆住美味嘅海鮮，真係人生一大快事。