Yamm

Open Now

Now Closed

大家都知自助餐有好多野食，好難三言兩語評論每種食物，所以我選擇介紹下幾種比較特別嘅食物，再講下整體感覺。Yamm嘅環境裝修唔錯，尤其天花上嘅吊燈，甚有氣派，不過眼前美食可能更吸睛。呢度食物種類唔算太多。但有幾樣值得食: 蟹鉗，夠鮮味，肉質結實，唔會水汪汪。全條烤豬肋骨和西冷牛扒呈現眼前，還有全塊燒豬頸肉，全條豬肋骨及全塊燒豬頸肉好少自助餐有得食，味道好，做得一啲都唔馬虎，另一邊仲有燒羊架，不過無影相，而味道就無得彈。Tiramisu 用傳統Lady Finger整，唔係一般自助餐用蛋糕冒充，可能自助餐老少咸宜，無加入橙酒，但呢個Tiramisu咁原汁原味製造，一定要食。其他嘅食物無咩比較特別，但賣相都相當好。Yamm自助午餐唔平，以食物種類就覺得有啲唔扺食，不過如果大家喜歡食肉，喜歡食下蟹鉗和蝦，甜品食下Tiramisu和Häagen-Dazs雪糕，應該可以回本。