北方餃子源 (水街)

Open Now

Now Closed

無食一段時間，餃子癮又起了，咁岩今日女友想去西環某甜品舖，就睇下附近有無好嘢食啦，一搵就搵到呢間北方餃子源。餃子有普通水餃或煎餃揀，款式都算多選擇，唯一可惜係無我最愛嘅粟米豬肉餃。除咗餃子外，亦有多款小食及麵食。麻辣豬耳 :其中一款每次都會叫嘅小食，呢度嘅豬耳比較令人失望，雖然味道唔錯，但質感較為硬及唔夠爽，有改善空間。翠玉瓜豬肉餃 :餃子皮夠薄，餡料豐富，翠肉瓜鮮甜清新，配埋豬骨湯味道唔錯。白菜豬肉餃 :餃子加17蚊可轉酸辣湯，白菜餃味道一般，酸辣湯夠惹味，湯料亦充足。四川擔擔麵 :擔擔麵麵質夠彈牙，微辣湯底好好味，配埋少量肉碎及花生碎，一碗話咁快就食晒。