Video
Read full review
2018-01-24
8034 views
琴日去左元朗同朋友睇戲，完場後朋友提議去元朗市中心行吓兼食個晚飯，行行吓見到有間叫京滬村嘅餐廳，佢嘅餐牌都幾吸引，於事我倆就決定試吓新嘢。由於比晚飯時間早些少到，未有太多人，我哋兩個人好快就揀左卡位坐低。餐廳睇落好新淨，唔知係咪新開，不過特別之處係佢哋個廚房正面係有一塊大玻璃向住餐飲區，等啲食客可以睇到廚師整嘢食嘅情況。服務員送上餐牌之餘，亦問我哋想飲啲咩茶。朋友最後就點了菊花茶，亦都好快落左order (哈！我哋其實係門口已經熟讀左個餐牌同大概諗定想叫啲乜嘢)。先嚟歎吓個菊花茶先，可能之前睇戲食左爆谷，飲完依個即刻覺得口喉嚨舒服多了，而且同類食肆我比較少見有菊花茶揀，仲要係落重料嘅(一打開個壺蓋，就見到滿哂菊花!!)，真係值得一讚。好快主菜嚟啦，先上嘅係擔擔麵，大大碗，湯不算太辣，但係一睇已經知道係我鐘意食果類，因為湯裏面有好重嘅花生醬，雖然係比較邪惡，但係就係果種你會想一啖麵，一啖湯食果隻，我同朋友一人分啲，我最後包底，連湯都飲埋，哈！之後黎係小籠包，一籠四隻，熱辣辣，湯汁都好濃，不過食嘅時候要小心，因為個底皮可能太薄，我第一隻一夾就穿左，哂左啲湯汁。剩係兩樣當然未夠喉啦，之後上嘅
由於比晚飯時間早些少到，未有太多人，我哋兩個人好快就揀左卡位坐低。餐廳睇落好新淨，唔知係咪新開，不過特別之處係佢哋個廚房正面係有一塊大玻璃向住餐飲區，等啲食客可以睇到廚師整嘢食嘅情況。
服務員送上餐牌之餘，亦問我哋想飲啲咩茶。朋友最後就點了菊花茶，亦都好快落左order (哈！我哋其實係門口已經熟讀左個餐牌同大概諗定想叫啲乜嘢)。
先嚟歎吓個菊花茶先，可能之前睇戲食左爆谷，飲完依個即刻覺得口喉嚨舒服多了，而且同類食肆我比較少見有菊花茶揀，仲要係落重料嘅(一打開個壺蓋，就見到滿哂菊花!!)，真係值得一讚。
好快主菜嚟啦，先上嘅係擔擔麵，大大碗，湯不算太辣，但係一睇已經知道係我鐘意食果類，因為湯裏面有好重嘅花生醬，雖然係比較邪惡，但係就係果種你會想一啖麵，一啖湯食果隻，我同朋友一人分啲，我最後包底，連湯都飲埋，哈！
之後黎係小籠包，一籠四隻，熱辣辣，湯汁都好濃，不過食嘅時候要小心，因為個底皮可能太薄，我第一隻一夾就穿左，哂左啲湯汁。
剩係兩樣當然未夠喉啦，之後上嘅先係我哋兩個揀試依間餐廳嘅原因，佢哋嘅招牌菜之一，石鍋蟹粉飯。剩係見到都可能會流口水。鋪面嘅係一層厚厚既蟹粉，入面夾集左一啲啲蟹肉。服務員提醒我哋放一陣先食，咁樣就會有多啲飯焦。Anyway, 又係一個邪惡，但係又好好味嘅餸，飯焦加上蟹粉，依個組合真係冇得輸。
最後上甜品，係蘿蔔絲酥餅，屬水準之作，內軟外脆，一個字，掂!
因為實在太飽，所以有啲甜品想試都冇叫到，唯有下次有機會再嚟試吓。
Post
