Ulyssa by Aldou (Closed)

今日想試下特別啲嘅樓上餐廳，咁啱見到openrice有優惠，下午茶有78折嘅優惠，就即刻訂咗呢間荔枝角嘅餐廳。店舖嘅裝修夠曬文青，啱曬鍾意打卡嘅我。朋友嗌咗一個野菌牛肝菌意大利飯，味道濃，但係意大利飯嘅質感咁做得唔夠好。而我就嗌咗一個香煎紅星石斑魚柳羅勒醬扁意粉，聽個名好似好勁咁，其實我覺得塊魚柳就一般，只係煎咗嘅一塊雪藏魚柳無咩味道，不過羅勒醬扁意粉就整得幾好食。要讚下兩個菜式嘅擺盤都非常之靚，打卡一流。美中不足嘅係套餐唔跟咖啡，要轉飲咖啡就要加錢呀。另外發現加左嘅小食蜜糖雞翼幾好食，可以一試。