百味閣餐廳

Open Now

Now Closed

放左幾日假都無陪過啊跟得夫人，所以趁長假嘅最後一日帶佢同啊妹一齊去睇日落補飛。大家約左下晝出發，所以黎到九龍塘先食個下午茶準備下腳力先。呢間餐廳其實幾懷舊，無論係枱上嘅假膠花，牆壁嘅舊相或者係啲彩色玻璃窗都令人有啲時光倒流嘅感覺。同埋位處大學隔離，個FEEL好夾。下午茶梗係要食多士啦，呢個夠厚身同焗得幾香口。出面乾脆但裡面仲係鬆軟的，再加啲楓糖漿去食真係唔錯。可惜杏仁片份量唔夠多，再多啲就好了。西多士都唔錯，蛋味同牛油香味都好夠而且伴碟嘅橙肉中和左油膩感，所以食落唔會覺得咁肥。同埋呢個糖漿真係好夾兩款多士。香蕉pancake比想像中厚同甜，所以兩位女士都十分討喜。因為香蕉有煎熱過，所以本身嘅酸味消失左之餘，配上朱古力醬真係幾順滑。伴碟生果入面芒果同蜜瓜最香甜，同中間嘅忌廉最夾。最後飲埋個香滑咖啡，嘆左成個下晝到5點。真係幾寫意。揀九龍塘係因為怕佢行得太攰，所以近近地行畢架山一黎黎除左方便之外又可以飽覽成個九龍同香港半島，二黎個夜景又相當迷人。好適合短時間嘅遊覽。