金記冰室 (Closed)

今年食過好多月餅，有奶皇、白蓮蓉、豆沙、冰皮等等，不過講到夠誠意，也不及傳統嘅金腿伍仁月。家中父母好鐘意食金腿伍仁月，市面上也買少見少喇！當人人都買大品牌嘅月餅時，小店更應值得支持！父母知道我訂咗金記冰室嘅金腿伍仁月，佢哋就成日追問我幾時有得食。（8月31日前訂有＄228優惠）到9月24日憑咭拎月餅，先知店外貼咗張海報「所有月餅已售完」字眼，小小冰室竟然咁受歡迎！好在我仲有盒！嘻嘻！嘩，以紙盒同紙袋包裝月餅，加上傳統嫦娥插畫，好懷舊嘅感覺！我拎住呢個紙袋返屋企，見到啲人望望下，哈哈～打開盒，就見到4個獨立包裝大大個月餅，仲有刀同小叉附送金記冰室好強調100％香港製造，且不加防腐劑同化學添加劑，食得安心又放心。用刀切開，見到用料好豐富！有多種果仁，仲有鮮果乾，饀料夾雜住絲絲金華火腿，父母急不及待想拎嚟食喇！其實我細個見到伍仁月都怕怕，都唔明點解父母咁鐘意食。可能我依家年紀亦開始大了XDDD開始對伍仁改觀，覺得係另一種味道，就好似苦瓜咁，去到某一個階段，你就會體會到佢嘅甜味架喇！媽媽食咗4分1個，話「唔甜喎！而且好足料！唔太膩」，正當佢想再食多件時，就比我制止喇！我話：「喂～～ 少食多滋味