垣記雞蛋卷 (Closed)

家姐今日係佢屋企走去買左垣記嚟食，呢包鳳凰卷全係人手做架，我家姐聽人講好食，所以去買，仲要話吾係去到就一定有得買，因為都好搶手咁話，講到咁厲害，我家姐都吾自私，買左幾包分俾我地食。一開個袋已經好香，一拎係手都已經好薄好脆要小小心心咁，放係口一咬，好脆丫，好味道，已經好鬆化，味道岩岩好，吾會太甜，蛋味濃，入面仲加了芝麻，所以更香，少少糖，好食丫。吾知價錢如何，因為家姐送冇問咩價錢，不過支持本地小店，堅持人手整出好味道，支持支持，得閒經過都買嚟食先。食到一半先影，原本一包好大包。