垣記雞蛋卷 (Closed)

好食到嚇親我嘅蛋捲🤩🤩食過幾多出名嘅（包括北角嗰間）但呢到真係最正🤩🤩蛋捲好脆🤩行crunchy 路線所以唔係酥化嗰種，同唔會有牛油香，但佢蛋香真係好似食緊雞蛋仔咁！🤩（仲會係好出色嘅雞蛋仔🤩🤩🤩）超正鳳凰卷一樣咁重蛋香，佢嘅皮薄身好多，所以會似平時食到嘅蛋捲質地多啲，但可以整到咁薄真係好犀利！入面椰絲芝麻唔多但我覺得balance 得啱啱好Would say that this is the best egg roll in town!!!

原來土瓜灣都有不少這類型的曲奇或是雞蛋卷小食店舖。據說這間蛋卷店，任何時候都在排隊，而且蛋卷賣曬便會收舖，因此每每都要大排長龍。長方形的這種鳳凰卷，外皮比較脆，中間有點椰絲，味道帶點甜，不過怕痴牙的就可能比較不方便普通圓形雞蛋卷，長條型，都尚算鬆化的質地，皮薄，非常鬆化，如果你底下沒有墊著紙的話，應該會食到一地都係；不過其實這間蛋卷店，兩款食品都不算蛋味非常香濃，至少我覺得和鐵罐裝那個精記蛋卷比較，好似精記的彈味更為香濃。

今日早上十點半到去到呢一間土瓜灣垣記雞旦卷，已經見到有十個人到排緊隊，我都唔執輸排反份，禁呢間垣記就開十一點的賣完就冇嫁啦，大家就可以衡量下排唔排隊。禁佢都好準時十一點就開左門，係由兩個老人家一手包辦製作同埋銷售，我見到前面的人幾包幾包禁買，我都唔執輸買左兩包。雞旦卷好有蛋味又脆口，怕甜的人可以試下，而鳳凰卷的餡就係椰絲、芝麻同糖，絕對係螞蟻人的心頭號。不過佢地就只係用普通密實袋袋，冇乾燥劑，驚好快會淋，所以買個陣要考慮食的速度。

呢一間係喺土瓜灣嘅小店❤️專係買蛋捲🙈佢嘅包裝並冇出面嗰啲連鎖店咁靚，但係味道上絕對唔差!.📎原味雞蛋捲未打開包裝已經聞到好香嘅椰香味，甜甜地😍咬落去係行鬆化路線🤤但係食得出好香嘅雞蛋味，絕對唔係偷工減料😆仲送貨到一咬就會散開晒，食起上嚟有少少論盡😂.呢個蛋捲我一個禮拜先食晒🥸但係仍然保持到好香脆.成間舖頭只有兩種選擇，就係雞蛋捲同埋鳳凰卷🥸但係好食嘅嘢貴精不貴多🥰經過可以買嚟試吓

幫襯咗垣記都幾年，佢雖然無北角間人氣蛋捲出名，但味道一啲都唔輸蝕，仲要係全人手手工做，當然要推介一吓。店舖唔算起眼，第一次去仲懷疑揾錯地方，推開門小小店面，有數隻狗，店主有時坐喺度休息，早幾日去買時佢係入面整緊蛋捲，我喺門口買都聞到好香。通常我都會買齊 2 款，因同事不吃椰絲所以只吃原味，我就兩款都咁喜愛。今次因為想送比朋友，所以大熱天時都喺公司行 15 分鐘嚟，一次過買咗 4 包原味加 2 包鳳凰捲。有包原味係攞返屋企嘅，隔住個環保袋都聞到佢啲香味，放咗 3 日都好香脆。不過一提係佢嘅包裝唔精美，只係用密實袋，早幾年用嚟送禮記得佢哋有紙盒賣，但唔算實正，但價錢比起名店實在無得輸 😜

家姐今日係佢屋企走去買左垣記嚟食，呢包鳳凰卷全係人手做架，我家姐聽人講好食，所以去買，仲要話吾係去到就一定有得買，因為都好搶手咁話，講到咁厲害，我家姐都吾自私，買左幾包分俾我地食。一開個袋已經好香，一拎係手都已經好薄好脆要小小心心咁，放係口一咬，好脆丫，好味道，已經好鬆化，味道岩岩好，吾會太甜，蛋味濃，入面仲加了芝麻，所以更香，少少糖，好食丫。吾知價錢如何，因為家姐送冇問咩價錢，不過支持本地小店，堅持人手整出好味道，支持支持，得閒經過都買嚟食先。食到一半先影，原本一包好大包。

因家人很喜歡吃雞蛋卷，見食評有不少朋友推薦這市區小店，趁端午節假期前來買一包試試😙垣記位置並不難找，就在八度海逸酒店旁。 招牌也十分顯眼。從店子門口可見只賣兩款蛋卷 - 雞蛋卷同鳯凰卷。 先買一包雞蛋卷試試，一包內有22條賣$30。 聞落幾香，食落有少許椰香味，質地香脆。由於此種蛋卷並不是全蛋做所以蛋味不夠香，但本人覺得水準不錯，試食幾條後即回頭多買一包回公司跟同事分享😋😋😋此店對我來說地點方便而品質不錯，必會定期造訪🤗

去開土瓜灣做嘢！同事介紹呢間蛋卷好好味！行到門口見一個燈箱仔，去到推開玻璃門，原來唔使行入去！門內有圍欄！入面都唔像賣食物嘅店舖！有個叔叔招呼，講咗要嘅款式，佢在旁邊嘅木櫃攞蛋卷，背心膠袋袋好比錢走得！包裝好簡單，一個zip透明膠袋，一眼睇晒！鳳凰卷（$32半磅）好鬆脆，係鬆到一咬就脆！外皮好薄，蛋香濃！椰絲花生好香！完全停唔到手！正！雞蛋卷($30半磅）無鳳凰卷咁多餡，所以仲覺得脆皮好鬆脆，好味過澳門嘅多多聲！喜歡蛋卷嘅媽咪掃晒！食得出新鮮做，因為一放得耐無呢陣蛋香味！店員叔叔唔出聲，不過好爽手！地方唔方便，不過喜歡蛋卷嘅值得去買來食！

蛋捲 💲 30 @ 垣記雞蛋卷落左巴士搵左段路先去到，岩岩好被人買埋最後幾包鳳凰卷，所以無緣一試。btw呢隻雞蛋卷味道真心唔錯，好鬆脆，而且好有蛋香味，平時k不太好蛋卷都忍唔住一次過食左幾條。份量方面，佢一包唔算有好多蛋卷(如圖)。佢呢間店表明係手工製作（係店外都見到佢貼左d報導），售完即止，鼓勵想食既朋友可以早d去試下 😂😂

諗住經過又咁出名試下買返去比嫲嫲食買左鴛鴦=蛋卷+鳳凰卷 $64有埋盒裝比d狗嚇死😰返到屋企 試食鳳凰卷好脆 裹面似係糖蔥餅d料 花生好香蛋卷真係可以同北角個間比較 雖然闊d短d 但食落去全部蛋味 連嫲嫲都話好香 整得好好 好鬆 好味（本身嫲嫲都好咀鵰）

久聞木廠街有間賣雞蛋卷的垣記，今日趴走完馬頭角道，專程前往。小店位處八度海逸對面，毫不起眼。走到門口，一少邊玻璃窗放滿透明袋盛載的鳳凰卷，另一側窗簾半掩。透過空隙，乃一民居也，有幾位長者在內閒聊，另有幾隻狗。難道早已結業？心中不免有莫大疑問。鼓起勇氣推門，屋內狗隻一湧而上，幸有圍欄圍著，大門只能半開。一大叔正從一鐵罐中，逐一取出蛋卷放入透明膠袋中。吓，不是現場即製？！咁蛋卷何來呢？小妹不禁心中暗自納悶。“要咩？“那位大叔問。“一包蛋卷。“既來之，則安之，總不能空手而回吧！大叔收完錢後，又繼續把蛋卷入袋。。。“嘩！ 在店內養狗,收銀又冇洗手就直接拎蛋卷，衛生意識好差喎！“Cc邊走邊說，小妹無言以對。一包半磅雞蛋卷$30約有22條，蛋卷較坊間為短少，香氣卻極為突出且澎湃，不斷從透明袋中滲出。取出一條春蛋卷，一嗅，竟不覺其有香氣。咬下，質感較為硬身，需費力咀嚼，蛋香沒有預期般突出，與北角德成號蛋香濃烈且口感酥鬆的蛋卷明顯截然不同，也較西環齒來香蛋卷為遜色。小結：個人而言，德成號蛋卷香鬆化，無與倫比。西環齒來香之作，現場即製，信心保證，且有人情味。垣記雞蛋卷，不免教小妹失望了。

因為啱搬黎土瓜灣，唔知附近有咩好食，甘啱見到openrice有衣間舖頭，就趁放工去試下。買左半磅，30蚊，唔算平又唔算貴，不過的確好好食。蛋卷夠脆，唔痴牙，又唔係好甜，啱啱好～買翻去一個人兩餐即刻食曬，真心正啊～不過大家千奇唔好俾舖頭裡面果幾隻狗仔嚇親XD

之前聽朋友 同事講開話好好食...諗住試下啦 ...但係事實係 ...D蛋卷真係好硬 又痴牙 唉...個鳳凰卷好少少 但都係一中間水平我同事都試左 都認同係唔得唉... 等我仲買左成6盒真係哂左D錢 ...

雞蛋卷$28 半磅鳳凰卷$30 半磅(好食指數:9/10)2013-11-13去到土瓜灣，買左半磅，a4密實袋裝住，而且係滿架。試左雞蛋卷，咬落好脆好鬆化，唔似其他舖頭個啲。而且個袋係無防腐劑個d，新鮮制造。鳳凰卷一樣咁脆，不過中間夾住椰絲糖同白芝麻，不過相對蛋卷就甜啲。呢兩款蛋卷真係食到停唔到囗

5-3-2013(二)五年前，聽過森美的電台節目，節目中他介紹位於木廠街，有一間製作雞蛋卷很出色的小店，並說好吃到不得了。。。 那時候，我專程走去土瓜灣一趟，決定找尋那出色的雞蛋卷，它就是「垣記雞蛋卷」。當時買下一包雞蛋卷後，隨即吃下一口， 真的教我難忘：它的美味程度，絕對、絕對可媲美「德成號」呢！果然。。。森美沒有欺騙聽眾呢！今天，在港威商場吃著 ladurée 的馬卡龍時，腦海中突然想起了「垣記」的雞蛋卷。嘻嘻 在私生活中，極度、極度喜愛「即興」的我，便由尖沙咀碼頭坐 5 號 A 巴士來到土瓜灣，決定與它再度重逢。。。「垣記」的門面，極像一所地產公司！它位於木廠街與炮仗街的交界，門面雖小，出品卻一流。我買了半磅鳳凰卷($28 )及半磅雞蛋卷($26 )。 雞蛋卷色、香、味俱全。蛋卷的色澤均勻，都是金黃色，每條的大小粗幼相致；其由好多層蛋漿捲成的，一打開袋隨即滲出雞蛋的氣味，香味亦久而不散，引人垂涎三尺；急不及待吃下一口，蛋味香濃且質地不易散，不需擔心邊吃邊掉屑呢。入口鬆化、爽脆，吃出全是天然的雞香味，無論口感和味道都有極高水準，超正！ 鳳凰卷亦然，皮薄餡靚。餅身比蛋卷的來得