Video
Read full review
2022-01-13
413 views
同朋友參加附近活動，就專登搵咗間台式飲品去試。嗰陣我哋去到大約三點，點知佢3:30先開，咁就唯有喺附近行吓等佢開門再試啦～～去呢間舖頭嘅時候感覺唔太顯眼，要行少少斜路先見到😂但去到見到環境都幾靚行😍嗰日有幾個朋友一齊去，發現買兩杯會送一包小禮物，入面有個和風小袋子裝住一啲日本飾物或者貼紙，就好似去旅行買手信咁😆都真係幾驚喜～～🇯🇵芝士奶蓋綠茶奶蓋細滑，厚厚嘅一層都幾香濃，有淡淡的芝士味。加埋清新嘅綠茶，中和左啲奶蓋嘅厚重，飲落感覺冇負擔😆紫薯芝士奶蓋呢杯真係有好足料嘅紫薯，紫薯味好重反而牛奶佔嘅比例就唔算太多。因為紫薯都幾細滑好容易同牛奶融和一體，都幾香滑，幾好飲，仲好飽肚添！勉強講佢都有少少漸變嘅，可能因為坊間嘅打卡紫薯牛奶太多，如果攪一攪個底部，仲多一個賣點，吸引打卡添！士多啤梨芝士奶蓋同水果茶就係朋友叫嘅，聽佢哋講士多啤梨芝士奶蓋好有驚喜，士多啤梨同奶蓋莫名其妙地好夾，而且士多啤梨味都幾香濃！水果茶入邊都有啲水果，飲完之後可以食埋水果都幾唔錯😆雖然佢嘅位置唔多顯眼，但係為咗支持小店，都好值得推介！！！👍
芝士奶蓋綠茶
奶蓋細滑，厚厚嘅一層都幾香濃，有淡淡的芝士味。加埋清新嘅綠茶，中和左啲奶蓋嘅厚重，飲落感覺冇負擔😆
紫薯芝士奶蓋
呢杯真係有好足料嘅紫薯，紫薯味好重反而牛奶佔嘅比例就唔算太多。因為紫薯都幾細滑好容易同牛奶融和一體，都幾香滑，幾好飲，仲好飽肚添！勉強講佢都有少少漸變嘅，可能因為坊間嘅打卡紫薯牛奶太多，如果攪一攪個底部，仲多一個賣點，吸引打卡添！
士多啤梨芝士奶蓋同水果茶就係朋友叫嘅，聽佢哋講士多啤梨芝士奶蓋好有驚喜，士多啤梨同奶蓋莫名其妙地好夾，而且士多啤梨味都幾香濃！水果茶入邊都有啲水果，飲完之後可以食埋水果都幾唔錯😆
雖然佢嘅位置唔多顯眼，但係為咗支持小店，都好值得推介！！！👍
Post
