龍門冰室 (Closed)

龍門冰室已經開咗好多間分店。屋企附近都有，所以要去咗幫襯下啦！ 餐廳每一個位置都有消毒啫喱 ,非常貼心， 共同抗逆！ 鍾意iron man公仔嘅要黎呢一間龍門冰室！ 有5,6款iron man公仔，非常吸引我眼球呢！紅豆奶茶，調教到唔會死甜！奶茶茶底香濃，配上香甜嘅紅豆，感覺好正有夠滑！叫咗我一個玉子燒常餐，包含咗沙爹牛肉公仔麵， 沙爹牛肉味道香濃。 玉子燒炒蛋我叫咗咸牛肉芝士做餡料， 咸牛肉芝士加膽冇得輸， 鹹香味十足 炒蛋炒得好嫩滑！ 多士到香脆，正！朋友叫咗火腿炒蛋烘底三文治亦都話 個炒蛋做得好好！香港人當然要幫襯番香港店啦！