Video
Read full review
2023-11-16
2907 views
同朋友喺呢間餐廳開張冇耐已經bookmark咗黎試，網上睇到呢度裝潢充滿文青風，啱哂同啲偽文青frd黎影下相📸店員有時不時過黎加水，餐廳用QR code落單，好方便又冇咁易漏單。🍅紅菜頭辣根漬三文魚布袋芝士配小蕃茄及青提沙律整體係一款高蛋白質嘅沙律。比較特別的紅菜頭辣根漬三文魚配上新鮮的青提同番茄嘅多汁口感，Burrata芝士奶味香濃。層次豐富嘅組合，口感同味道十分鮮明。🦐西班牙辣椒蒜油蝦經典嘅西班牙菜式小食，蝦肉口感非常爽彈多汁，蒜油嘅香氣不斷瀰滲透在蝦汁當中，香濃惹味。真係令人大啖大啖咁keep 住食，如果配埋麵包就更加滿足啦！🐋馬來西亞參巴醬燒澳洲魔鬼魚翼三巴醬食得多，不過今次配魔鬼魚又食過未？我就第一次食魔鬼魚，佢嘅口感都幾結實，肉質鮮而嫩。香辣帶甜嘅三巴醬調配得宜，微炒香後更有種獨特嘅風味。呢款菜式係今晚最推介👍👍👍幾有驚喜🐥慢燒威士忌保濕三黃雞配燒新薯及西蘭花苗三黃雞食過幾次，第一次食到用威士忌烈酒保濕而且外層經燒過的處理方式，估唔到內裡肉質仲保持滑嫩，威士忌酒香穿透雞肉，啖啖隱約食到酒既香醇。如果可以配上醬料或dressing，可謂畫龍點睛之用👍👍✅️餐廳位於文化中心地下，
同朋友喺呢間餐廳開張冇耐已經bookmark咗黎試，網上睇到呢度裝潢充滿文青風，啱哂同啲偽文青frd黎影下相📸
店員有時不時過黎加水，餐廳用QR code落單，好方便又冇咁易漏單。
🍅紅菜頭辣根漬三文魚布袋芝士配小蕃茄及青提沙律
整體係一款高蛋白質嘅沙律。比較特別的紅菜頭辣根漬三文魚配上新鮮的青提同番茄嘅多汁口感，Burrata芝士奶味香濃。層次豐富嘅組合，口感同味道十分鮮明。
🦐西班牙辣椒蒜油蝦
經典嘅西班牙菜式小食，蝦肉口感非常爽彈多汁，蒜油嘅香氣不斷瀰滲透在蝦汁當中，香濃惹味。真係令人大啖大啖咁keep 住食，如果配埋麵包就更加滿足啦！
🐋馬來西亞參巴醬燒澳洲魔鬼魚翼
三巴醬食得多，不過今次配魔鬼魚又食過未？我就第一次食魔鬼魚，佢嘅口感都幾結實，肉質鮮而嫩。香辣帶甜嘅三巴醬調配得宜，微炒香後更有種獨特嘅風味。
呢款菜式係今晚最推介👍👍👍幾有驚喜
🐥慢燒威士忌保濕三黃雞配燒新薯及西蘭花苗
三黃雞食過幾次，第一次食到用威士忌烈酒保濕而且外層經燒過的處理方式，估唔到內裡肉質仲保持滑嫩，威士忌酒香穿透雞肉，啖啖隱約食到酒既香醇。如果可以配上醬料或dressing，可謂畫龍點睛之用👍👍
✅️餐廳位於文化中心地下，相對以西式cafe價位稍微高點點，不過內裡裝潢別緻，啱同友人或情侶去碰碰杯，享受chill weekend 🥂
Post
