Video
Read full review
2017-02-21
3626 views
臨近節日，各大餐廳都唔會錯過呢個時刻推出相關套餐，酒店當然唔會例外。帝景酒店推出咗草莓甜點誘惑下午茶自助餐，睇到廣告，有啲吸引，男朋友亦好好，主動打電話去訂定位。下午茶自助餐，成人正價只係$188，若果係Openrice列印定優惠卷，仲可以享有半價優惠。呢個甜品以草莓主題既下午茶自助餐只限星期六、日供應。酒店係汀九橋下面，感覺有啲遙遠，但其實係荃灣地鐵站附近搭shuttle bus，唔駛十五分鐘就入到去，所以都好方便。當日去到，見到有家庭想walk in，不過已經full晒，所以最好就一早book定位。我地被安排坐窗邊，環顧四週，果然全場滿座，情侶又有，一家大細又有，三四個到十幾個既朋友聚會都有。起初我一心以為只係得甜品食，兩個人各自食咗小小嘢，點知入到去先發現選擇豐富。由前菜、沙律，到刺身，再到麵食、熱盤、甜心等等，同平時嘅自助餐款式一樣咁多。入到去真係忍唔住每樣食物都要試下。而且甜品種類仲有好多，花多眼亂。甜品好多都係以士多啤梨為主題嘅甜品，次次一出都會吸引咗好多人出去拎，可見大家都幾想試下。主要試左法式千層酥、燉蛋、mousse蛋糕、泡芙等等，整體味道都算唔錯。法式千層酥（上圖左
帝景酒店推出咗草莓甜點誘惑下午茶自助餐，睇到廣告，有啲吸引，男朋友亦好好，主動打電話去訂定位。
下午茶自助餐，成人正價只係$188，若果係Openrice列印定優惠卷，仲可以享有半價優惠。呢個甜品以草莓主題既下午茶自助餐只限星期六、日供應。
酒店係汀九橋下面，感覺有啲遙遠，但其實係荃灣地鐵站附近搭shuttle bus，唔駛十五分鐘就入到去，所以都好方便。
當日去到，見到有家庭想walk in，不過已經full晒，所以最好就一早book定位。我地被安排坐窗邊，環顧四週，果然全場滿座，情侶又有，一家大細又有，三四個到十幾個既朋友聚會都有。
起初我一心以為只係得甜品食，兩個人各自食咗小小嘢，點知入到去先發現選擇豐富。由前菜、沙律，到刺身，再到麵食、熱盤、甜心等等，同平時嘅自助餐款式一樣咁多。
入到去真係忍唔住每樣食物都要試下。而且甜品種類仲有好多，花多眼亂。
甜品好多都係以士多啤梨為主題嘅甜品，次次一出都會吸引咗好多人出去拎，可見大家都幾想試下。主要試左法式千層酥、燉蛋、mousse蛋糕、泡芙等等，整體味道都算唔錯。
法式千層酥（上圖左）味道唔會過甜，而且內裡有好多士多啤梨果肉，非常清新。
熱食方面，有鴨肝醬焗釀燒烤蘑菇、Pizza、椒鹽三文魚頭腩、鹽燒牛舌香草鮮茄汁、泰式燒豬頸肉等等，味道都唔錯而且定時都會更換食物。
食飽之後，再係附近沙灘行下，睇下日落，確實寫意。
Post
