維記咖啡粉麵

Open Now

Now Closed

好耐冇去過深水埗食飯，真心話如果星期六、日我真係吾會去，因為實在太多人了！今日見疫情好轉，吾煮飯仔，出去幫襯下D小店，平日人小D，食得安心啲！去咗維記食出名嘅豬潤牛肉米，仲要黎碟咖央多士，減肥都吾理得甘多⋯⋯豬潤牛肉米真係好大碗，好足料架，D豬潤煮到剛剛好，吾會熟得滯又唔漏，因為有啲薑絲辣辣地，好正！配埋杯凍檸樂，滿足到不得了！咖央多士中規中矩，可能我情繫馬來西亞嘅習慣，所以我略嫌不夠甜，如果以普通多士來講就ok架！凍茶蜜真係有啲淡冇麥味，不過今餐都算吾錯，兩個人$80蚊左右，大滿足走！